భారతదేశంలో కెల్లా 10 పొడవైన జాతీయ రహదారులు

తర్వాతి స్లైడ్‌లలో భారతదేశంలో కెల్లా అత్యంత పొడవైన 10 జాతీయ రహదారుల గురించి తెలుసుకోండి.

Picture credit: Wiki Commons

j929

10. ఎన్‌హెచ్ 31

ఈ జాబితాలో టాప్ 10 స్థానంలో ఉన్న ఎన్‌హెచ్ 31. ఈ రోడ్డు మొత్తం పొడవు 1125 కిలోమీటర్లు. జార్ఖండ్‌లోని బర్హి వద్ద ప్రారంభమయ్యే ఈ రోడ్డు గౌహతిలోని జాలుక్‌బరి వరకూ విస్తరించి ఉంది. ఈ రోడ్డు బీహార్, జార్ఖండ్, పశ్చిమ బెంగాల్, అస్సామ్ రాష్ట్రాలను కలుపుతూ పోతుంది. ఈ హైవేలోని ఓ సెక్షన్ ఈస్ట్-వెస్ట్ కారిడార్ క్రిందకు వస్తుంది.

Picture credit: Wiki Commons

Tanmoy Bhaduri

9. ఎన్‌హెచ్ 3

ఈ జాబితాలో 9వ స్థానంలో ఉన్న రోడ్డు ఎన్‌హెచ్ 3. దీనిని ఏబి రోడ్ అని కూడా పిలుస్తారు. ఇది అగ్రా, ముంబైలను కలుపుతుంది. దీని మొత్తం పొజవు 1190 కిలోమీటర్లు. ఆగ్రా మరియు గ్వాలియర్‌లోని రోడ్డు నార్త్-సౌత్ కారిడార్ క్రిందకు వస్తుంది. ముంబై వైపు ఉండే ఎన్‌హెచ్3ని ఈస్టర్న్ ఎక్స్‌ప్రెస్ హైవే అని, ముంబై నాసిక్ ఎక్స్‌ప్రెస్ హైవే అని కూడా పిలుస్తారు.

Picture credit: Wiki Commons

rajkumar1220

8. ఎన్‌హెచ్ 4

ఇకపోతే, ఈ జాబితాలో 8వ స్థానంలో ఉన్న రోడ్డు ఎన్‌హెచ్ 4. ఇది భారతదేశంలోని నాలుగు అత్యంత ప్రధాన నగరాలను కలుపుతుంది. దీని మొత్తం పొడవు 1235 కిలోమీటర్లు. ఈ రోడ్డు ముంబై, పూనే, బెంగుళూరు, చెన్నై నగరాలను కలుపుతుంది. ఇది మహారాష్ట్ర, కర్ణాటక, ఆంధ్రప్రదేశ్, తమిళనాడు రాష్ట్రాల గుండా సాగిపోతుంది.

Picture credit: Wiki Commons

Ashwin Kumar

7. ఎన్‌హెచ్ 17

ఇందులో 7వ స్థానంలో ఉన్న రోడ్డు ఎన్‌హెచ్ 17. భారతదేశపు పశ్చిమ తీర ప్రాంతంలో ఉత్తరం నుంచి దక్షిణం వైపు సాగిపోయే ఈ రోడ్డు పశ్చిమ కనుమలకు సమాంతరంగా ఉంటుంది. ఈ రోడ్డు మహారాష్ట్రలోని పాన్‌వెల్ నుంచి కేరళలోని కొచ్చిన్ కలుపుతుంది. ఈ హైవే చాలా అందమైనది. మొత్తం 1269 కిలోమీటర్ల దూరం ఉండే ఈ రోడ్డు మహారాష్ట్ర, గోవా, కర్ణాటక, కేరళ రాష్ట్రాలను కలుపుతుంది. ఈ రహదారి పొడవునా వెళ్తే మనకు ఆరు విభిన్న భాషలు మాట్లాడే వ్యక్తులు ఎదురవుతారు.

Picture credit: Wiki Commons

SBC-YPR

6. ఎన్‌హెచ్ 8

ఈ జాబితాలో 6వ స్థానంలో ఉన్న రోడ్డు ఎన్‌హెచ్ 8. మొత్తం 1428 కిలోమీటర్ల దూరం ఉన్న ఈ రోడ్డు ఢిల్లీ మరియు ముంబై నగరాలను కలుపుతుంది. ఇంకా ఈ రోడ్డు గుర్గావ్, ఆజ్మర్, ఉదయ్‌పూర్, అహ్మదాబాద్, సూరత్, జైపూర్, వడోదరా నగరాలను కలుపుకుంటూ పోతుంది. గోల్డెన్ క్వాడ్రిలేటరల్ ప్రాజెక్టులో కూడా ఈ హైవే భాగమే.

Picture credit: Wiki Commons

Vssun

5. ఎన్‌హెచ్2

ఎన్‌హెచ్2 లేదా ఢిల్లీ-కలకత్తా రోడ్డుగా పిలిచే హైవే ఈ జాబితాలో 5వ స్థానంలో ఉంది. భారతదేశంలో అత్యంత రద్దీగా ఉండే హైవేలలో ఇది కూడా ఒకటి. మొత్తం 1465 కిలోమీటర్ల మేర ఉండే ఈ రోడ్డు ఢిల్లీ, హర్యానా, ఉత్తరప్రదేశ్, బీహార్, జార్ఖండ్, పశ్చిమ బెంగాళ్ ప్రాంతాల గుండా సాగిపోతుంది. ఏషియన్ రోడ్ నెటవర్క్, ఏహెచ్1లో భాగమైన ఈ రోడ్డు దాదాపు 34 నగరాలను కలుపుతూ పోతుంది.

Picture credit: Wiki Commons

Atishtiwari18

4. ఎన్‌హెచ్ 15

ఇక ఈ జాబితాలో 4వ స్థానంలో ఉన్న రోడు ఎన్‌హెచ్ 15. ఈ ఎన్‌హెచ్ 15 రోడ్డు గుజరాత్‌లోని సమఖియలి నుంచి పంజాబ్‌లోని పథన్‌కోట్ వరకూ ఉంటుంది. దీని మొత్తం పొడవు 1526 కిలోమీటర్లు. ఇది పంజాబ్, గుజరాత్, రాజస్థాన్‌ల గుండా సాగిపోతుంది.

Picture credit: BCMTouring

KurtRules

3. ఎన్‌హెచ్ 5

టాప్ 3 రోడ్డు ఎన్‌హెచ్ 5, దీని మొత్తం పొడవు 1533 కిలోమీటర్లు. ఇది ఒరిస్సా, ఆంధ్రప్రదేశ్, తమిళనాడు రాష్ట్రాలను కలుపుతూ సాగిపోతుంది. ఇది ఒడిషాలోని జార్పోఖరియా నుండి ప్రారంభమై తమిళనాడులోని చెన్నై వద్ద ముగుస్తుంది. గోల్డెన్ క్వాడ్రిలేటరల్ ప్రాజెక్టులో ఈ రోడ్డు కూడా ఓ భాగం.

Picture credit: Wiki Commons

Adityamadhav83

2. ఎన్‌హెచ్ 6

టాప్ రోడ్డు ఎన్‌హెచ్ 6, దీని మొత్తం పొడవు 1949 కిలోమీటర్లు. ఇది దేశంలో కెల్లా రెండ అత్యంత పొడవైన జాతీయ రహదారి. అతి రద్దీగా ఉండే రోడ్డు కూడా ఇదే. పశ్చిమం నుంచి తూర్పుకు సాగిపోయే ఈ రోడ్డు గుజరాత్‌లోని హాజిరా వద్ద ప్రారంభమై పశ్చిమ బెంగాల్‌లోని కలకత్తా వద్ద ముగుస్తుంది. ఇది గుజరాత్, మహారాష్ట్ర, ఛత్తీస్‌ఘడ్, ఒరిస్సా, జార్ఖండ్, పశ్చిమ బెంగాళ్ రాష్ట్రాలను కలుపుతూ పోతుంది.

Picture credit: Wikimapia

1. ఎన్‌హెచ్ 7

దేశంలో కెల్లా అత్యంత పొడవైన జాతీయ రహదారి ఎన్‌హెచ్ 7. ఇది దేశంలో 21 ప్రధాన నగరాలను కలుపుతూ సాగిపోతుంది. ఈ హైవేని సెంట్రల్ పబ్లిక్ వర్క్స్ డిపార్ట్‌మెంట్ నిర్వహిస్తుంటుంది. ఇది ఉత్తరప్రదేశ్‌లోని వారణాసి వద్ద ప్రారంభమై తమిళనాడులో కన్యాకుమారి వద్ద ముగుస్తుంది. ఈ రోడ్డు ఉత్తరప్రదేశ్, మధ్యప్రదేశ్, మహారాష్ట్ర, తెలంగాణా, ఆంధ్రప్రదేశ్, కర్ణాటక, తమిళనాడు రాష్ట్రాలను కలుపుకుంటూ పోతుంది.

Picture credit: Wiki Commons

j929