Just In
- 2 hrs ago వందేభారత్ రైళ్లలో 1 లీటర్ వాటర్ బాటిల్ రద్దు.. రైల్వే శాఖ కీలక నిర్ణయం
- 3 hrs ago వెనుక నుంచి ఢీ కొట్టిన ట్రక్.. ప్రమాదానికి గురైన Hyundai Exter - వీడియో
- 4 hrs ago 2024 Jeep Wrangler Facelift Review Video జీప్ రాంగ్లర్ ఫేస్లిఫ్ట్ ఆఫ్రోడర్ ఫుల్ రివ్యూ వీడియో
- 5 hrs ago 2024 Jeep Wrangler Facelift Review జీప్ రాంగ్లర్ ఫేస్లిఫ్ట్ ఆఫ్రోడర్ పర్ఫామెన్స్ ఫుల్ రివ్యూ
Don't Miss
- News బీఆర్ఎస్కు బిగ్ షాక్.. కాంగ్రెస్ తీర్ధం పుచ్చుకున్న వరంగల్ నగర మేయర్ గుండు సుధారాణి
- Sports SRHకు భయపడి CSK సంచలన నిర్ణయం: ధోనీ మైండ్ గేమ్?
- Finance Stock Market Close: భారీ లాభాల్లో ముగిసిన స్టాక్ మార్కెట్లు..
- Lifestyle హడలెత్తిస్తున్న Bird Flu పాలు,గుడ్లు మరియు చికెన్ తినడం సురక్షితమేనా?మనుషులకూ వ్యాపిస్తుందా..నిపుణులు ఏమంటారు?
- Technology Infinix GT 20 Pro 5G డిజైన్ రెండర్లు లీక్ అయ్యాయి! స్పెసిఫికేషన్ల వివరాలు
- Movies Mrunal Thakur గ్లామర్తో అదరగొట్టిన మృణాల్ థాకూర్.. హిరామండి షోలో స్పెషల్ ఎట్రాక్షన్గా
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
వీల్ అలైన్మెంట్ వలన కలిగే 7 చక్కటి ప్రయోజనాలు
కారు సక్రమంగా పనిచేయాలంటే దానిలో ఆరోగ్యకరమైన ఇంజన్ ఉండటం ఎంత అవసరమో, అందులో చక్రాలు మరియు టైర్లు కూడా ఆరోగ్యకరంగా ఉండటం అంతే అవసరం. సాధారంగా, కార్లలో Wheel Alignment (వీల్ అలైన్మెంట్) అనేది చాలా కీలకమైన అంశం. వాహనాన్ని అస్తవ్యస్తంగా ఉన్న రోడ్లపై నిత్యం ఉపయోగిస్తుండటం వలన కార్లలో వీల్ అలైన్మెంట్ దెబ్బ తింటుంది.
కార్లలో వీల్ అలైన్మెంట్ సరిగ్గా లేకపోవటం వలన కార్లు త్వరగా పాడయ్యే ప్రమాదం ఉంది. అంతేకాదు, కొన్ని ఈ సమస్య వలన కొన్ని ఊహించని ప్రమాదాలు కూడా జరిగే అవకాశం ఉంది. అందుకే, కార్లకు క్రమం తప్పకుండా వీల్ అలైన్మెంట్ చేయింటడం మంచిది.
సాధారణంగా, మనం మెకానిక్ షాపులకు వెళ్లినప్పుడు వీల్ అలైన్మెంట్ అనే పదం తరచుగా వింటూ ఉంటాం. నిజానికి కొంత మంది కొత్తగా కారు కొనేవారికి వీల్ అలైన్మెంట్ అంటే ఏంటో తెలియకపోవచ్చు. అసలు వీల్ అలైన్మెంట్ అంటే ఏమిటి? ఎందుకు అది అంత ముఖ్యమైనది? ఇలాంటి ప్రశ్నలకు సమాధానమే ఈ కథనం.
వీల్ అలైన్మెంట్ గురించి సింపుల్గా చెప్పాలంటే, మీ కారులోని అన్ని 4 చక్రాలు మరియు టైర్లు సరిగ్గా ఒకే దిశలో తిరిగేలా చేయడమే దీని ప్రధాన లక్షణం. కారు ఎక్కువగా గతుకుల రోడ్లపై ప్రయాణించినప్పుడు లేదా పాట్ హోల్స్ మీద వేగంగా వెళ్లినప్పుడు ఆ కారులో వీల్ అలైన్మెంట్ పాడవ్వొచ్చు.
చిన్న స్థాయిలో వీల్ అలైన్మెంట్ సరిగ్గా లేకపోయినా, అది మీ కారు పనితీరు మరియు నిర్వహణపై పెద్ద ప్రభావాన్ని చూపుతుంది. కాబట్టి ఏ కారైనా సరే దాని వీల్ అలైన్మెంట్ చాలా కచ్చితంగా ఉండాలి. సరైన చక్రాల అమరిక వల్ల కలిగే టాప్ 6 ప్రయోజనాలు ఏంటో చూద్దాం రండి.
1. మైలేజ్ పెరుగుతుంది
మీ కారు చక్రాల అమరిక సరిగ్గా ఉన్నట్లయితే, అవి ఇంధనాన్ని ఆదా చేయటంలో సహకరిస్తాయి. వీల్ అలైన్మెంట్ సరిగ్గా లేకపోయినట్లయితే, చక్రాలు మరియు టైర్లు సులువుగా దొర్లడం కష్టతరంగా ఉంటుంది. దీని వలన, వీటిని భారంగా ముందు నెట్టడానికి ఇంజన్ నుండి ఎక్కువ శక్తి మరియు టార్క్ ఖర్చు అవుతుంది. ఫలితంగా, ఇంధనం కూడా ఎక్కువ మండుతుంది.
తాజా నివేదికల ప్రకారం, వీల్ అలైన్మెంట్ సరిగ్గా లేని కార్లలో మైలేజ్ సుమారు 10 శాతం వరకూ తగ్గుతుందని తేలింది. మైలేజ్ 10 శాతం తగ్గడం అంటే అది నిజంగా పెద్ద విషయమే. ముఖ్యంగా, పెట్రోల్ మరియు డీజిల్ ధరలు మండిపోతున్న మనలాంటి దేశాల్లో ఇది ఇంకా పెద్ద విషయం. కాబట్టి, మీ కారు మైలేజ్ను స్థిరంగా ఉంచుకోవటానికి అందులో వీల్ అలైన్మెంట్ సరిగ్గా ఉండటం ఎంతో అవసరమని గుర్తుంచుకోండి.
2. టైర్ల జీవితకాలం పెరుగుతుంది
మీ కారులో వీల్ అలైన్మెంట్ సమస్య ఉన్నట్లయితే, అది మీ కారు టైర్ల జీవితకాలాన్ని భారీగా తగ్గించేస్తుంది. చక్కగా మరియు సులువుగా తిరిగే చక్రాల వలన టైర్లు కూడా రోడ్డుపై సులువుగా దొర్లుతాయి. అదే, వీల్ అలైన్మెంట్లో సమస్య ఉంటే, ఆ భారమంతా టైర్ల పైన పడుతుంది. ఫలితంగా, టైర్లు త్వరగా అరిగిపోయే అవకాశం ఉంది.
నిజానికి అరిగిపోయిన టైర్లు కూడా వీల్ అలైన్మెంట్ను ప్రభావితం చేస్తాయి. ఉదాహరణకు మీ కారులో మూడు కొత్త టైర్లు ఉండి, ఒక టైరు మాత్రం బాగా అరిగిపోయి ఉన్నట్లయితే, అది మీ కారు వీల్ అలైన్మెంట్ని దెబ్బతీస్తుంది. అలా కాకుండా, మీ కారులో నాలుగు కొత్త టైర్లు ఉండి, అందులో ఒక టైరు మాత్రమే విచిత్రంగా అరిగిపోతున్నట్లయితే, ఆ కారులో వీల్ అలైన్మెంట్ సమస్య ఉన్నట్లు అర్థం.
ఈ సమస్యకు చక్కటి పరిష్కారం ఎప్పటికప్పుడు మీ కారులో వీల్ అలైన్మెంట్ మరియు టైర్ రొటేషన్ చేయించడం. ఇలా చేయడం వలన మీ కారు యొక్క టైర్ల జీవితకాలం పెరుగుతుంది. మైలేజ్ మాదిరిగానే టైర్ల జీవితకాలం పెంచడం చాలా మంచిది. ఎందుకంటే, ఇది మీకు డబ్బు ఆదా చేయడంలో సహకరిస్తుంది.
3. విడిభాగాలకు నష్టం తగ్గుతుంది
చక్రాల అమరిక (అదే వీల్ అలైన్మెంట్) సరిగ్గా లేకపోతే, మీ కారులోని ఇతర ముఖ్యమైన విడిభాగాలు ప్రభావితమయ్యే ప్రమాదం ఉంది. ఉదాహరణకు, కారులోని బేరింగ్స్, బ్రేకులు, సస్పెన్షన్ మరియు ట్రాన్స్మిషన్ వంటి వాటిలో కదిలే భాగాలు ఉంటాయి కాబట్టి ఇవి పాడయ్యే అవకాశం ఉంది.
చక్రాల అమరిక సరిగ్గా లేకపోతే, ఈ భాగాలన్నీ కూడా సరిగ్గా పనిచేయడానికి సాధారణం కంటే ఎక్కువ కష్టపడాల్సి ఉంటుంది. అదే, చక్రాల అమరిక సరిగ్గా ఉన్నట్లయితే, ఇలాంటి కీలక విడిభాగాలకు జరిగే నష్టం తగ్గుతుంది. ఫలితంగా కారు రిపేర్లు కూడా తగ్గుతాయి. తద్వారా డబ్బు కూడా ఆదా అవుతుంది.
4. స్టీరింగ్ పనితీరు మెరుగ్గా ఉంటుంది
మీ కారులో మెరుగైన వీల్ అలైన్మెంట్ ఉంటే, దాని స్టీరింగ్ వీల్ పనితీరు కూడా అంతే మెరుగ్గా ఉంటుందని గుర్తుంచుకోండి. వీల్ అలైన్మెంట్ సరిగ్గా లేని కార్లలో, స్టీరింగ్ పట్టుకుని డ్రైవింగ్ చేయడంలో మీకు చాలా ఇబ్బందులు ఎదురయ్యే అవకాశాలు ఉన్నాయి. స్టీరింగ్ వీల్ నియంత్రణ సరిగ్గా లేకపోతే, రోడ్డు ప్రమాదాలకు గురయ్యే అవకాశం ఉంటుంది.
మీ కారులో స్టీరింగ్ ఓవైపు లాగుతున్నట్లుగా అనిపించినా, లేదా స్టీరింగ్తో కారును అటు ఇటూ తిప్పడం భారంగా అనిపించినా అలాంటి కార్లలో వీల్ అలైన్మెంట్ సమస్య ఉందని గ్రహించాలి. వీల్ అలైన్మెంట్ సరిగ్గా ఉంటే, స్టీరింగ్ విషయంలో తలత్తే అనవసరమైన సమస్యలకు చెక్ పెట్టవచ్చు.
5. మెరుగైన హ్యాండ్లింగ్ / స్మూత్ రైడ్
మీ కారు యొక్క వీల్ అలైన్మెంట్ సరిగ్గా ఉన్నట్లయితే, దాని హ్యాండ్లింగ్ కూడా అంతే మెరుగ్గా ఉంటుంది. వీల్ అలైన్మెంట్ చక్కగా ఉన్న కార్లతో మీరు ఎలాంటి రోడ్లపై డ్రైవ్ చేసినా సరే, దాని హ్యాండ్లింగ్ ఖచ్చితంగా ఉంటుంది. వీల్ అలైన్మెంట్ ఖచ్చితంగా ఉండే కార్లు రోడ్లపై సున్నితమైన డ్రైవింగ్ అనుభూతిని అందిస్తాయి.
6. మెయింటినెన్స్ ఖర్చు తగ్గుతుంది
రిపేర్లు తగ్గించుకోవటం అంటే మెయింటినెన్స్ ఖర్చు తగ్గించుకోవడమేనని గుర్తుంచుకోండి. కార్లలో క్రమం తప్పకుండా వీల్ అలైన్మెంట్, టైర్ రొటేషన్ చేయించుకోవటం వలన భవిష్యత్తులో ఎదురయ్యే అనవసరపు మరమ్మత్తులకు అయ్యే ఖర్చు తగ్గుతుంది. ఫలితంగా, ఆ కారు యొక్క మెయింటినెన్స్ ఖర్చు కూడా తగ్గుతుంది.
7. భద్రత పెరుగుతుంది
మంచి వీల్ అలైన్మెంట్ కలిగిన కార్లను సురక్షితమైన కార్లుగా చెప్పవచ్చు. మీ కారు వీల్ అలైన్మెంట్ సరిగ్గా ఉంటే, రోడ్డుపై దాని నియంత్రణ కూడా మెరుగ్గా ఉంటుంది. ఫలితంగా, రోడ్డుపై భద్రత కూడా పెరుగుతుంది. ప్రస్తుత వర్షాకాలపు సీజన్లో కారు సురక్షితంగా ఉండేలా చూసుకోవటం ఎంతో ముఖ్యం. ఇది మీకు మరియు మీతో పాటు ప్రయాణించే మీ బంధువులు మరియు స్నేహితులందరికీ ప్రయోజనం చేకూర్చే విషయం.