భారీ అంచనాల మధ్య విడుదలై ఫెయిల్ అయిన కార్లు.. ఈ జాబితాలో మీ కారు ఉందో లేదో చెక్ చేసుకోండి

భారత్‌లో కార్లకు విపరీతమైన క్రేజ్‌ ఉందనడంలో ఏ మాత్రం సందేహం లేదు. మార్కెట్‌లో ఏ కొత్త మోడల్‌ కారొచ్చినా వాహనప్రియులు కొనకుండా ఉండలేరు. అందుకు తగినట్లుగా వినియోగదారుల అభిరుచికి అనుగుణంగా ఎప్పటికప్పుడు ఆధునిక సాంకేతికతో కార్‌ మేకర్ల నుంచి వినూత్నమైన మోడళ్లు పుట్టుకొస్తూనే ఉన్నాయి.

ఈ నేపథ్యంలో చూసుకుంటే ఇటీవల SUV మార్కెట్ భారత్‌లో బాగా ప్రాచుర్యం పొందింది. కానీ కొన్ని ఎస్‌యూవీలు మన దేశంలో సక్సెస్ కావడమే కాకుండా చాలా వరకు కార్లు ఫ్లాప్ అయ్యాయి. దేశీయ మార్కెట్‌లో ఫ్లాప్ అయిన మొదటి ఐదు SUVల వివరాలు ఈ కథనంలో..

ఫస్ట్‌ జెన్‌ హ్యుందాయ్ టక్సన్ : 2000 ఏడాది మిడ్‌లో టెర్రాకాన్ SUVకి ప్రత్యామ్నాయంగా హ్యుందాయ్ కంపెనీ హ్యుందాయ్ టక్సన్‌ను భారతీయ మార్కెట్‌లో విడుదల చేసింది. కానీ ఈ ఫస్ట్‌ జెన్‌ హ్యుందాయ్ టక్సన్ భారతీయ వినియోగదారులను ఆకట్టుకోవడంలో విఫలమైంది. చివరికి మార్కెట్‌లోకి ఎంత వేగంగా వచ్చిందో అంతే వేగంగా అదృశ్యమైంది.

మహీంద్రా ఆల్ట్రూరస్ జీ 4: మహీంద్రా ఆల్ట్రూరస్ జీ 4 ను భారతీయ ఎస్‌యూవీ సెగ్మెంట్‌లోని ఫార్చ్యూనర్ మరియు ఫోర్డ్ ఎండీవర్ వంటి ప్రముఖ కార్లకు వాటికి పోటీగా అత్యంత అంచనాల మధ్య మహీంద్రా తీసుకువచ్చింది. కానీ ఈ కారు దేశీయ మార్కెట్‌లో వాహనప్రియులను ఆకర్షించలేకపోయింది.

చేవ్రొలెట్ ట్రైల్‌బ్లేజర్ : చేవ్రొలెట్ ట్రయిల్‌బ్లేజర్‌ 2017లో దేశీయ విపణిలో ప్రారంభించబడిన లాడర్-ఆన్-ఫ్రేమ్ SUV. ఈ కారును విడుదల చేసిన వెంటనే సదరు కంపెనీ భారతదేశం నుంచి వెళ్లిపోవడంతో ఈ SUV ఫ్లాప్ అయింది. వచ్చినంత వేగంగానే మార్కెట్‌ నుంచి ఈ కారు కనుమరుగైపోయింది.

మారుతి సుజుకి గ్రాండ్ విటారా 4×4 : మార్కెట్‌లో ఆధిపత్యం చెలాయిస్తున్న ఇటీవల విడుదల చేసిన గ్రాండ్ విటారాకు మరిచిపోలేని ఫ్లాష్‌బ్యాక్ ఉంది. చాలా సంవత్సరాల క్రితం 2.4-లీటర్ పెట్రోల్ ఇంజిన్, ఫోర్ వీల్ డ్రైవ్‌తో వచ్చిన మారుతి సుజుకి గ్రాండ్ విటారా 4×4 దేశంలోని ఫ్లాప్ SUVలలో ఒకటి.

నిస్సాన్ ఎక్స్‌ట్రైల్ : నిస్సాన్ ఎక్స్‌ట్రైల్ అనేది నిస్సాన్ తన గ్లోబల్ లైనప్‌ను భారతీయులకు పరిచయం చేయడానికి దేశంలో ప్రారంభించిన కారు. 2.0-లీటర్ డీజిల్ ఇంజిన్‌తో కూడిన E టార్క్వీ మెషిన్ భారతీయ వినియోగదారులకు నచ్చినప్పటికీ, దాని ధర మరియు నిర్వహణ సమస్యల కారణంగా కస్టమర్లను ఆకట్టుకోలేకపోయింది.

పైన పేర్కొన్న ఐదు SUVలు మాత్రమే కాకుండా, కొన్నేళ్లలో అనేక SUV కార్లులు భారతీయ మార్కెట్‌లో ప్రారంభించబడ్డాయి. వీటికి ప్రముఖ కార్ల తయారీ కంపెనీలు కూడా ఉన్నాయి. భారతీయ వినియోగదారుల బడ్జెట్, అభిరుచి, అవసరాలు తీర్చలేకపోవడమే ఇందుకు ప్రధాన కారణం అని చెప్పవచ్చు. వాటిలో కొన్ని చూసుకుంటే..

ప్రీమియర్‌ రియో : భారతదేశంలో మొదటి సబ్-ఫోర్-మీటర్ కాంపాక్ట్ SUVగా ప్రీమియర్ రియో ​​ఫోర్డ్ ఎకోస్పోర్ట్ కంటే ముందు వచ్చింది. ఇది చైనీస్ జోటీ 2008కి రీబ్యాడ్జ్ చేయబడిన వెర్షన్. ఇది ప్యుగోట్-మూలంగా లభించే పెట్రోల్ మరియు డీజిల్ ఇంజిన్‌లను మంచి ధరలో మార్కెట్‌లోకి ప్రవేశించింది. అయితే నిరాశజనమైన అమ్మకాల తర్వాత సర్వీస్, క్రూడ్ ఫిట్ అండ్ ఫినిషింగ్, విశ్వసనీయత ఇలా పలు సమస్యల కారణంగా వినియోగదారులను ఆకర్షించలేకపోయింది.

మిత్సుబిషి అవుట్‌ల్యాండర్ : మిత్సుబిషి అవుట్‌ల్యాండర్ భారతీయ కార్ మార్కెట్‌లో చాలా కాలం పాటు కొనసాగింది. రెండవ తరం, మూడవ-ఫేస్‌లిఫ్టెడ్ వెర్షన్‌లు పెట్రోల్-మాత్రమే వేరియంట్‌లలో అందుబాటులో ఉండేవి. లేక్‌లస్టర్ మార్కెటింగ్ ప్రయత్నాలు, నిరాశజనకమైన అమ్మకాలు మరియు 2.4-లీటర్ పెట్రోల్ ఇంజిన్ యొక్క పేలవమైన ఇంధన సామర్థ్యం దాని వైఫల్యానికి కారణాలయ్యాయి.