టొయోటా పోనమ్-31 స్పోర్ట్స్ యుటిలిటీ లగ్జరీ క్రూజర్ యాచ్

తర్వాతి స్లైడ్‌లలో టొయోటా పోనమ్-31 క్రూజర్ బోట్‌కు సంబంధించిన మరిన్ని వివరాలను తెలుసుకోండి.

టొయోటా పోనమ్-31 క్రూజర్ బోట్‌లో కంపెనీ అందిస్తున్న ల్యాండ్ క్రూజర్ ప్రాడో ఎస్‌యూవీలో ఉపయోగించే 3.0 లీటర్ టర్బోచార్జ్డ్ డీజిల్ ఇంజన్లను రెండింటిని ఉపయోగించారు. బోట్ ఉపయోగం కోసం ఈ ఇంజన్లను ప్రత్యేకంగా ట్యూన్ చేశారు. ఇవి రెండూ కలిసి 512 హార్స్ పవర్‌ల శక్తిని ఉత్పత్తి చేస్తాయి.

పోనమ్-31 హల్ (బోట్ క్రింది భాగం)ను ధృడమైన అల్యూమినియం అల్లాయ్‌తో తయారు చేశారు. ఇది మంచి సామర్థ్యాన్ని, ధృడత్వాన్ని మరియు మన్నికను కలిగి ఉండి, విరిగి పోకుండా ఉంటుంది (సాధారణ బోట్లలో ఫైబర్-రీఇన్‌ఫోర్స్డ్ ప్లాస్టిక్‌ను ఉపయోగిస్తుంటారు).

పోనమ్-31 క్రూజర్‌ను పైభాగంలో (ఓపెన్ టాప్) కూర్చుని సవారీ చేయవచ్చు. పైభాగంలో బోటును నడిపే వారితో పాటుగా మరో నలుగురు కూర్చునే వెసలుబాటు ఉంటుంది. వాతావరణం అనుకూలించని పరిస్థితుల్లో క్యాబిన్ లోపల నుంచే ఈ బోటును నియంత్రించవచ్చు.

బోటు లోపల వంట గది, సోఫా, లివింగ్ స్పేస్, రెస్టింగ్ రూమ్ వంటి పలు విలాసవంతమైన సదుపాయాలు ఉంటాయి.

టొయోటా ప్రతి ఏటా 15 పోనమ్-31 స్పోర్ట్స్ యుటిలిటీ క్రూజర్లను విక్రయించాలని భావిస్తోంది. దీని ధర 2.77 లక్షల డాలర్లుగా ఉంది.