నడి రోడ్డుపై కొట్టుకున్న ఇద్దరు పోలీసులు[వీడియో].. కారణం ఏమిటంటే?

ఇలాంటి సంఘటనకు సంబంధించిన వీడియో ఇటీవల ఇంటర్నెట్ లో వైరల్ అయ్యింది. నివేదికల ప్రకారం ఈ సంఘటన జార్ఖండ్‌ రాజధాని రాంచీలోని సెహెజనంద్ చౌక్‌లో జరిగినట్లుతెలుస్తోంది. ఇక్కడ జరిగిన సంఘటన మొత్తం మీరు వీడియోలో గమనించవచ్చు.

రోడ్డుపై విధి నిర్వహణలో ఉన్న ట్రాఫిక్ కానిస్టేబుల్ ఇద్దరు పోలీసులున్న మోటారుసైకిల్‌పై ఆపి విచారిస్తున్నట్లు చూడవచ్చు. ఇందులో ఒక పోలీస్ హెల్మెట్ ధరించి ఉండగా, ఇంకో వ్యక్తి హెల్మెట్ ధరించలేదు. హెల్మెట్ ధరించని వ్యక్తి ఆ బైక్ యొక్క పిలియన్ అని తెలుస్తోంది.

మోటార్ వాహన చట్టం ప్రకారం వాహనంపై వెళ్లే ప్రతి ఒక్కరూ అంటే డ్రైవర్ మరియు పిలియన్ తప్పకుండా హెల్మెట్ ధరించాలి, కానీ అక్కడ ఉన్న పోలీసులలో ఒకరు హెల్మెట్ ధరించలేదు. పిలియన్ సీటుపై ప్రయాణిస్తున్న పోలీసును కిషోర్ శర్మగా గుర్తించారు. నిబంధనలను సరిగా పాటించనందుకు అతన్ని ట్రాఫిక్ కానిస్టేబుల్ రాజు కుమార్ ఆపాడు, ఆ తరువాత, పోలీసు కిషోర్ శర్మ ట్రాఫిక్ కానిస్టేబుల్‌తో గొడవ ప్రారంభించాడు.

పొలిసు కావడం వల్ల నన్ను బహిరంగంగా ఆపడానికి నీకు హక్కు లేదని అతడు ట్రాఫిక్ పోలీస్ మీదకి గొడవకు దిగాడు. ఈ గొడవ కాస్త చిలికి చిలికి గాలివాన అయినట్లు, ఆ గొడవ పెద్దదయ్యింది. అయితే, ట్రాఫిక్ పోలీసు కానిస్టేబుల్ అతన్ని వెళ్లనివ్వలేదు, అంతే కాదు జరిమానా చెల్లించమని కోరాడు.

ఈ గొడవలో ట్రాఫిక్ పోలీస్ మరియు పోలీస్ ఇద్దరూ కొట్టుకున్నారు. పోలీసుల కొట్టుకోవడం కూడా ఈ వీడియోలోచూడవచ్చు. పోలీసులు కొట్టుకోవడం వల్ల అక్కడకి ప్రజలు ఎక్కువగా వచ్చి గుమికూడి, ఆ సంఘటనలు వీడియో తీశారు. ఈ వీడియో క్లిప్ తరువాత ఇంటర్నెట్ లో వైరల్ అయ్యింది.

ఈ వీడియో ఇంటర్నెట్‌లో వైరల్ అయిన తరువాత, జార్ఖండ్ ట్రాఫిక్ ఎస్పీ, అజీత్ పీటర్ డండుంగ్ విచారణకు ఆదేశించారు. ఈ సంఘటనకు సంబంధించిన ఖచ్చితమైన వివరాలను తనకు ఇవ్వమని అధికారులను కోరిన అతను ఈ విషయంపై కూడా దర్యాప్తు చేస్తున్నట్లు తెలిపాడు.

ప్రజా రహదారిపై చట్టబద్దమైన పదవుల్లో ఉన్న పోలీసులు నడిరోడ్డుపై ఈ విధంగా చేయడం నిజంగా అమానుషం. ఈ సంఘటనపై డీసీపీ ప్రస్తుతం నివేదికను సిద్ధం చేస్తున్నారు. డీసీపీ నివేదిక ఇచ్చిన తర్వాత ఎస్పీ చర్యలు తీసుకుంటారు.

ఏది ఏమైనా ట్రాఫిక్ రూల్స్ ప్రకారం ఖచ్చితంగా ఎవరైనా బైక్ పై ప్రయాణించేటప్పుడు హెల్మెట్ ధరించాలి. కానీ ఇక్కడ వీడియోలో మనకు కనిపించే పోలీస్ హెల్మెట్ ధరించలేదు. రూల్స్ పాటించమని ఆదేశించే పోలీసులే రూల్స్ పాటించకపోతే ఇక సామాన్య ప్రజల సంఘట తెలిసిందే.

Image Courtesy: The Followup