విజయ్ పొలిటికల్ హవాతో ట్రెండింగులో త్రిష.. రూ.100 కోట్ల ఆస్తులు, లగ్జరీ కార్ల డీటెయిల్స్ ఇవే

సౌత్ సినీ ఇండస్ట్రీలో ఎవర్ గ్రీన్ బ్యూటీ అంటే గుర్తొచ్చే పేరు త్రిష కృష్ణన్. దాదాపు పాతికేళ్లుగా వెండితెరపై మకుటం లేని మహారాణిలా ఏలుతున్న ఈ చెన్నై చిన్నది, ప్రస్తుతం తన సెకండ్ ఇన్నింగ్స్‌లోనూ యువ హీరోయిన్లకు గట్టి పోటీ ఇస్తోంది. అయితే కేవలం నటనలోనే కాదు, సంపాదనలోనూ, ఆస్తులు కూడబెట్టడంలోనూ త్రిష ఏమాత్రం తగ్గడం లేదు.

ప్రస్తుతం తమిళనాడు రాజకీయాల్లో దళపతి విజయ్ నేతృత్వంలోని టీవీకే (TVK) పార్టీ సంచలన విజయాల దిశగా దూసుకుపోతుండటంతో, విజయ్ సరసన ఎన్నో హిట్ చిత్రాల్లో నటించిన త్రిష పేరు మళ్లీ నెట్టింట మారుమోగిపోతోంది. ఈ నేపథ్యంలో త్రిష లగ్జరీ జీవితం, ఆమె గ్యారేజీలోని కోట్లు విలువ చేసే కార్ల గురించి ఆసక్తికర విశేషాలు తెలుసుకుందాం.

1999లో సినిమా ఇండస్ట్రీలోకి ఎంట్రీ ఇచ్చిన త్రిష, నేటికీ అదే గ్లామర్‌తో దూసుకుపోతోంది. ఎంతో మంది హీరోయిన్లు వస్తుంటారు, వెళ్తుంటారు.. కానీ త్రిష మాత్రం క్లాసిక్ బ్రాండ్‌గా మిగిలిపోయింది. వర్షంతో తెలుగు ప్రేక్షకులను మురిపించినా, పొన్నియిన్ సెల్వన్‎తో గ్లోబల్ లెవల్లో గుర్తింపు తెచ్చుకున్నా అది త్రిషకే సాధ్యం.

ప్రస్తుతం మెగాస్టార్ చిరంజీవి సరసన విశ్వంభర వంటి భారీ చిత్రాల్లో నటిస్తూ తన రెమ్యునరేషన్‌ను కూడా భారీగా పెంచేసింది. ప్రస్తుతం ఆమె ఒక్కో సినిమాకు రూ. 5 కోట్ల నుంచి రూ. 10 కోట్ల వరకు డిమాండ్ చేస్తున్నట్లు ఇండస్ట్రీ టాక్.

త్రిష మొత్తం ఆస్తుల విలువ 2026 నాటికి సుమారు రూ.85 కోట్లు నుంచి రూ.100 కోట్ల వరకు ఉంటుందని అంచనా. కేవలం సినిమాలు మాత్రమే కాకుండా, బ్రాండ్ ఎండార్స్‌మెంట్లు ఆమెకు ప్రధాన ఆదాయ వనరుగా మారాయి. టాప్ గ్రేడ్ బ్రాండ్లను ప్రమోట్ చేయడం ద్వారా ఏడాదికి సుమారు రూ.9 కోట్లు ఆర్జిస్తోంది. అంటే నెలకు దాదాపు 75 లక్షల రూపాయల ఆదాయం కేవలం ప్రకటనల ద్వారానే వస్తోంది.

త్రిష సంపాదించిన డబ్బును చాలా తెలివిగా రియల్ ఎస్టేట్‌లో పెట్టుబడి పెట్టింది. చెన్నైలో ఆమె నివాసం ఉంటున్న అత్యంత విలాసవంతమైన ఇంటి విలువ దాదాపు రూ.10 కోట్లు పైమాటే. అంతేకాకుండా, హైదరాబాద్‌లో కూడా ఆమెకు రూ.6 కోట్ల విలువైన ఒక లగ్జరీ బంగ్లా ఉంది. షూటింగ్స్ కోసం ఇక్కడికి వచ్చినప్పుడు ఆమె అక్కడే బస చేస్తారు. ఇవి కాకుండా మరికొన్ని వాణిజ్య సముదాయాల్లో కూడా ఆమెకు వాటాలు ఉన్నట్లు సమాచారం.

త్రిషకు లగ్జరీ కార్లంటే ప్రాణం. ఆమె గ్యారేజీలో ఉన్న కార్ల లిస్ట్ చూస్తే స్టార్ హీరోలు కూడా ఆశ్చర్యపోవాల్సిందే.
BMW రీస్ (BMW Rease): ఇది త్రిష వద్ద ఉన్న అత్యంత ఖరీదైన కారు. దీని విలువ దాదాపు రూ. 5 కోట్లు.
మెర్సిడెస్ బెంజ్ ఎస్-క్లాస్: దీని ధర సుమారు రూ. 80 లక్షలు. రాచరికపు వైభవాన్ని ఇచ్చే ఈ కారులో త్రిష తరచుగా కనిపిస్తుంటారు.
BMW 5 సిరీస్: సుమారు రూ. 75 లక్షల విలువైన ఈ కారు స్టైల్‌కు కేరాఫ్ అడ్రస్.
రేంజ్ రోవర్ ఎవోక్: దాదాపు రూ. 60 లక్షల విలువైన ఈ కారు త్రిషకు చాలా ఇష్టమైనది. లాంగ్ డ్రైవ్స్ కోసం దీనినే ఎక్కువగా వాడుతుంటారు.
ఇవి కాకుండా మెర్సిడెస్ బెంజ్ ఈ-క్లాస్ వంటి మరికొన్ని ఖరీదైన వాహనాలు ఆమె కలెక్షన్‌లో ఉన్నాయి.

ప్రస్తుతం తమిళనాడు అసెంబ్లీ ఎన్నికల ఫలితాల్లో తలపతి విజయ్ పార్టీ తమిళగ వెట్రి కజగం (TVK) ప్రభంజనం సృష్టిస్తోంది. విజయ్ - త్రిషల జోడీకి వెండితెరపై ఎంతటి క్రేజ్ ఉందో అందరికీ తెలిసిందే. వీరిద్దరూ త్వరలో పెళ్లి చేసుకోబోతున్నారనే పుకార్లు షికారు చేసినా, వారిద్దరూ మాత్రం మంచి స్నేహితులుగానే ఉంటూ వస్తున్నారు.

విజయ్ రాజకీయ విజయంతో త్రిష అభిమానులు కూడా సోషల్ మీడియాలో సంబరాలు చేసుకుంటున్నారు. త్వరలోనే త్రిష కూడా రాజకీయాల్లోకి వస్తారనే ప్రచారం జరుగుతున్నా, ఆమె మాత్రం ప్రస్తుతం తన దృష్టినంతా సినిమాలపైనే పెట్టింది.