థాయ్‌లాండ్‌లో భగ్గుమన్న లగ్జరీ కార్లు, కోట్లలో ఆస్తి నష్టం

By Ravi

Published: Monday, June 3, 2013, 12:08 [IST]

కోట్ల ఖరీదు చేసే అత్యంత అరుదైన మరియు విలాసతవంతమైన కార్లు యాక్సిడెంట్‌లో దెబ్బతిన్నా లేక అగ్నికి ఆహుతైనా చూసేవారికి అయ్యో అనిపిస్తుంది. అలాంటిదే ఓ సంఘటన థాయ్‌లాండ్‍‌లో చోటు చేసుకుంది. ఒకటి కాదు రెండు కాదు ఓ పెద్ద ట్రక్కు నిండుగా సూపర్ కార్లు అగ్నికి ఆహుతైపోయాయి. థాయ్‌లాండ్‍‌లోఖరీదైన కార్లను తరలిస్తున్న ఓ ట్రక్కులో అగ్నిప్రమాదం జరిగింది, అయితే ఈ ప్రమాదానికి గల కారణాలు మాత్రం తెలియరాలేదు.

మంటలను ఆర్పేందుకు అగ్నిమాపక సిబ్బంది సంఘటనా స్థలానికి చేరుకునే లోపుగానే జరగాల్సిన నష్టం కాస్త జరిగిపోయింది. ఈ అగ్ని ప్రమాదంలో ఓ ఫెరారీ 430, లాంబోర్గినీ ముర్సిలాగో ఎల్‌పి640, బెంట్లీ కాంటినెంటల్ ఫ్లయింగ్ స్పౌర్, బిఎమ్‌డబ్ల్యూ ఎక్స్6 కార్లతో పాటు మరో రెండు లగ్జరీ కార్లు కూడా కాలి బూడిదైపోయాయి. ఈ సూపర్ కార్ల బాడీని కార్భన్ ఫైబర్ మెటీరియల్‌తో డిజైన్ చేయటంతో మంటలు అత్యంత వేగంగా వ్యాపించి, క్షణాల్లో కార్లను బుడిదగా మార్చేశాయి.

ఈ ప్రమాదంలో జరిగిన మొత్తం నష్టం సుమారు 100 మిలియన్ భాట్స్ (ఇది 33.13 లక్షల డాలర్లు లేదా రూ.18,62,65,591 లకు సమానం). మరి ఈ ఘోర అగ్నిప్రమాదాన్ని చిత్రాలు, వీడియో ద్వారా మనం కూడా తిలకిద్దాం రండి. (చివరి స్లైడ్‌లో వీడియోని వీక్షించవచ్చు).