బ్లాక్ నైట్ ట్రాన్స్‌ఫార్మర్ - ట్రక్ హెలికాఫ్టర్ హైబ్రిడ్

బ్లాక్ నైట్ ట్రాన్స్‌ఫార్మర్ ఫ్లయింగ్ ట్రక్కును వెర్టికల్ టేకాఫ్ అండ్ ల్యాండింగ్ (విటిఓఎల్) వాహనంగా అభివృద్ధి చేస్తున్నారు. ఈ వాహనాన్ని గాల్లోకి లేపటానికి రన్‌వే అవసరం లేదు. ఇది హెలికాఫ్టర్ మాదిరి ఉన్న చోటు నుంచే గాల్లోకి ఎగరగలదు.

బ్లాక్ నైట్ ట్రాన్స్‌ఫార్మర్ ఇటీవలే తన ఫస్ట్ ఫ్లైట్‌ను విజయవంతంగా పూర్తి చేసుకుంది. ఈ ఫస్ట్ ఫ్లైట్‌లో భాగంగా బ్లాక్ నైట్ ట్రాన్స్‌ఫార్మర్ నేలపై నుంచి 10 అడుగుల ఎత్తు వరకు ఎగరగలిగింది.

ఈ టెస్ట్ వెహికల్ చూడటానికి షిప్పింగ్ క్రేట్‌లా అనిపిస్తుంది, కానీ దీని నిర్మాణం పూర్తయిన తర్వాత ఇది నిజమైన ట్రక్కు రూపంలో దర్శనమిస్తుంది. 2000 కేజీల వరకు సామర్థ్యం కలిగిన సైనిక బలగాలు, వస్తువులను తరలించేలా దీనిని డిజైన్ చేస్తున్నారు.

బ్లాక్ నైట్ ట్రాన్స్‌ఫార్మర్ అభివృద్ధి ఇప్పటికే దాదాపుగా పూర్తయింది, నేలపై నుంచి సుమారు 3050 మీటర్ల ఎత్తు వరకు ఎగరగలిగేలా దీనిని తయారు చేస్తున్నారు. దీనిని రోడ్డుపై గరిష్టంగా గంటకు 112 కిలోమీటర్ల వేగంతో డ్రైవ్ చేయవచ్చు.

బ్లాక్ నైట్ ట్రాన్స్‌ఫార్మర్‌లో ఎనిమిది రోటార్లు (ఇరువైపులా నాలుగేసి) ఉంటాయి. వీటి సాయంతోనే ట్రక్ గాల్లోకి లేస్తుంది. రోడ్డుపై నడుపుతున్నపుడు ఈ రోటార్లను ఆటోమేటిక‌గా మడుచుకోవచ్చు.

ప్యాంథర్ ట్రాన్స్‌ఫార్మర్ అనేది బ్లాక్ నైట్ ట్రాన్స్‌ఫార్మర్‌కి చిన్నపాటి వెర్షన్. బ్లాక్ నైట్ ట్రాన్స్‌ఫార్మర్ సామర్థ్యంలో ప్యాంథర్ ట్రాన్స్‌ఫార్మర్ సామర్థ్యం సగం ఉంటుంది.

అడ్వాన్స్డ్ టాక్టిక్స్ తయారు చేస్తున్న ఈ విటిఓఎల్ వాహనాలను క్యాబిన్/కాక్‌పిట్ లోపల కూర్చొని కంట్రోల్ చేయవచ్చు లేదా బయటి నుంచి రిమోట్ ద్వారా నైనా కూడా కంట్రోల్ చేయవచ్చు.