అలెర్ట్.. ఇప్పుడు ఆన్‌లైన్ డ్రైవింగ్ లైసెన్స్ పొందటానికి ఇది తప్పనిసరి

వాహనాలు డ్రైవ్ చేయాడానికి డ్రైవింగ్ లైసెన్స్ చాలా అవసరం కావున, ఇప్పుడు ఈ డ్రైవింగ్ లైసెన్స్ కోసం అప్లై చేసుకోవడానికి ఆన్లైన్ సర్వీస్ కూడా అందుబాటులో ఉంది. ఈ నేపథ్యంలో, కేంద్ర రహదారి రవాణా శాఖ తన అన్ని సర్వీసులకు ఆధార్ కార్డును తప్పనిసరి చేసింది.

ఇది ఆన్‌లైన్‌లో సర్వీస్ ఉపయోగించుకునే వారికీ మాత్రమే తప్పనిసరి చేయడం జరిగింది. ఇందులో ప్రత్యక్షంగా డ్రైవింగ్ లైసెన్స్ అప్లై చేసుకునేవారికి ఆధార్ కార్డు అవసరం లేదు అని, కేంద్ర రవాణా మంత్రి నితిన్ గడ్కరీ అన్నారు. ఆర్టీఓ కార్యాలయాలు అందించే ఆన్‌లైన్ సర్వీసులకు ఆధార్ కార్డు తప్పనిసరి.

రవాణా శాఖ డైరెక్ట్ కనెక్టివిటీ లేకుండా ఆన్‌లైన్‌లో ప్రస్తుతం 16 వేర్వేరు సర్వేసులను అందిస్తుంది. ఇందులో రవాణా శాఖ ఆన్‌లైన్ డ్రైవింగ్ లైసెన్స్ రెన్యూవల్, అడ్రస్ చేంజ్, రిజిస్ట్రేషన్ సర్టిఫికెట్ మరియు లర్నింగ్ లైసెన్సింగ్‌ వంటి సర్వీసులు ఉన్నాయి.

ఈ ఆన్‌లైన్‌ సర్వీసులన్నీ వినియోగించుకోవడానికి వినియోగదారునికి ఆధార్ కార్డు తప్పనిసరి అని రవాణా శాఖ ఒక నోటిఫికేషన్ విడుదల చేసింది. ఆన్‌లైన్‌ లో ఎలాంటి మోసాలు జరగకుండా ఉండటానికి ఆధార్ కార్డు తప్పనిసరి చేయబడిందని చెబుతున్నారు.

ఆధార్ కార్డు లేనివారు లేదా ఆధార్ కార్డు సమర్పించడానికి ఇష్టపడని వినియోగదారులు స్వయంగా ఆర్టీఓ కార్యాలయాలకు వెళ్లి ఈ సర్వీస్ వినియోగించుకోవచ్చని వారు సూచించారు. ఈ విధంగా సర్వీస్ ఉపయోగించుకునే వారికి ఆధార్ కార్డు అవసరం లేదు.

ప్రభుత్వ ఆన్‌లైన్ సేవను ఉపయోగించే చాలా మంది ప్రజలు నకిలీ డాక్యుమెంట్స్ తో అప్లై చేస్తున్నట్లు తెలిసింది. ఈ అక్రమ మార్గాలను నివారించడానికి ప్రభుత్వం ఈ రకమైన నిర్ణయం తీసుకుంది. ఈ విధంగా అప్లై చేసుకోవడం వల్ల సదరు వినియోగదారుని పూర్తి వివరాలు అందుబాటులో ఉంటాయి.

మోటార్ వాహన చట్టం ప్రకారం వాహనదారులు తప్పకుండా కొన్ని రూల్స్ పాటించాలి. ఇందులో భాగంగానే వాహనదారుడు తప్పకుండా డ్రైవింగ్ లైసెన్స్ కలిగి ఉండాలి. అప్పుడే అతడు చట్ట రీత్యా డ్రైవింగ్ చేయడానికి అర్హుడు. కావున వాహనాదాలు తప్పకుండా డ్రైవింగ్ లైసెన్స్ పొందాలి.