డ్రైవింగ్‌లో ఒత్తిడికి లోనవుతున్నారా.. అయితే యోగా డే సందర్భంగా కొన్ని టిప్స్‌ మీ కోసం..

భారతీయ రోడ్లపై డ్రైవింగ్ చేయడం అంత సులభమేమీ కాదు. రహదారులపై డ్రైవింగ్‌ ఒకవైపు సవాలుగా మారుస్తుంటే, మరోవైపు స్థానిక రేసర్లు దానిని మరింత సవాలుగా మారుస్తున్నారు. పబ్లిక్‌ రోడ్లపై వాళ్ల డ్రైవింగ్ అంత భయంకరంగా ఉంటుంది. అటువంటి పరిస్థితుల నుంచి రిలీఫ్‌ పొందడానికి కొన్ని ప్రత్యేక యోగా ఆసనాలు ఉన్నాయి.

ప్రతి సంవత్సరం జూన్ 21న అంతర్జాతీయ యోగా దినోత్సవంగా జరుపుకొంటున్నాం. యోగా శారీరక ఆరోగ్యమే కాదు.. మానసిక ఆరోగ్యాన్నీ ప్రసాదిస్తుంది. ఒత్తిడి నుంచి ఉపశమనం పొందడానికి యోగా ఎంతో దోహదపడుతుంది. యోగా డే సందర్భంగా డ్రైవర్ల కోసం కొన్ని చిట్కాలు, సూచనలు ఈ కథనంలో..

శ్వాస వ్యాయామం : డ్రైవింగ్ చేస్తున్నప్పుడు మీ శ్వాస సక్రమంగా ఉండటం చాలా అవసరం. ట్రాఫిక్‌ ఎక్కువగా ఉన్నప్పుడు, రద్దీ రోడ్లపై ప్రశాంతంగా శ్వాస తీసుకోలేం ముఖ్యంగా, తోటి వాహనదారుల చర్యల వల్ల కలిగే ఒత్తిడి మీ శ్వాసను మరింత తీవ్రంగా మారుస్తుంది.

అటువంటి వాతావరణంలో మీ మనస్సు మరియు శ్వాసను మరింత సమతుల్యంగా ఉంచడంలో శ్వాస వ్యాయామాలు చేయాలి. డ్రైవింగ్‌లో ఏకాగ్రత లోపించడం వల్ల చాలా మంది ప్రమాదాలకు గురవుతున్నారు. తోటి వాహనదారుల వల్ల కలిగే ఒత్తిడి ప్రమాదాలకు దోహదపడుతుందని కొన్ని గణాంకాలు సూచిస్తున్నాయి. కాబట్టి మనం ఒత్తిడికి దూరంగా ఉండటమే మంచిది.

డ్రైవింగ్‌ సీట్‌లో ఎక్కువసేపు ఒకే భంగిమలో కూర్చోవడం వల్ల మీకు అసౌకర్యం మరియు శారీరక అలసట కలుగుతుంది. అలాంటి పరిస్థితుల్లో చేతులు సాగదీయడం మరియు భుజం తిప్పడం వంటివి చేయవచ్చు. ఇలా చేయడం ద్వారా శరీర భాగాలు ఉపశమనం పొందుతాయి. ముఖ్యంగా చేతులను ముందు నుంచి వెనుకకు తిప్పడం వల్ల చేతుల్లో రక్త ప్రసరణ బాగా జరిగి నొప్పి నుంచి ఉపశమనం కలుగుతుంది. చేతులకు విశ్రాంతి దొరుకుతుంది.

ధ్యానం : సుదీర్ఘ యాత్రకు బయలుదేరే ముందు ఒక చిన్న ధ్యానం చేయడం చాలా ఉత్తమం. ఇలా చేయడం ద్వారా దూర ప్రయాణాల్లో మానసిక ప్రశాంతత కలుగుతుంది. ఇది లాంగ్ డ్రైవ్‌కు ముందు మాత్రమే కాకుండా డ్రైవ్ సమయంలో కూడా చేయవచ్చు. ఇలా చేయడం వల్ల మనసు ప్రశాంతంగా ఉండి, రోడ్డుపై దృష్టిని కేంద్రీకరిస్తుంది.

జేబులో వాలెట్‌ పెట్టుకోవద్దు : జేబులో వాలెట్ పెట్టుకుని కూర్చుంటే ఒకవైపు ఒత్తిడి పడటం కారణంగా తుంటి నొప్పికి కారణమవుతుంది. కాబట్టి, కారు సీటులో కూర్చున్నప్పుడు మీరు రెండువైపులా ఒత్తిడి లేకుండా చూసుకోండి. అలాగే, పడిపోయినట్లు కూర్చోవద్దు. లేదంటే వెన్నునొప్పికి లోనయ్యే అవకాశం ఉంది.

బ్రీతింగ్ ప్రాక్టీస్ : డ్రైవింగ్ చేస్తున్నప్పుడు కాస్త విశ్రాంతి దొరికినప్పుడు బ్రీతింగ్‌ ప్రాక్టీస్‌ చేయడం వల్ల శరీరం నుంచి ఒత్తిడి మరియు విష వాయువులను విడుదల అవుతాయి. ఎక్కువ గాలిని లోపలికి తీసుకున్నప్పుడు, అప్పటికే లోపల ఉన్న కార్బన్ డయాక్సైడ్ బయటకు వెళ్లిపోతుంది. ఇలా 30 సెకన్ల వ్యవధిలో నాలుగు సార్లు చేస్తే మీ మనసు ప్రశాంతంగా ఉంటుంది.

పై ఆసనాలు మరియు వ్యాయామంతో పాటు, మంచి మ్యూజిక్‌, స్లో మోషన్‌ పాటలు మిమ్మల్ని మానసికంగా ఉల్లాసంగా ఉంచుతాయి. అదే సమయంలో, డ్రైవింగ్ చేస్తున్నప్పుడు మీరు ఉల్లాసమైన మానసిక స్థితిలో ఉండాలి, తద్వారా మిమ్మల్ని మీరు రిఫ్రెష్‌గా ఉంచుకోవడానికి వినసొంపుగా ఉండే మ్యూజిక్‌ పాటలను వినవచ్చు. మిమ్మల్ని డ్రైవింగ్‌పై అప్రమత్తంగా ఉంచడంలో ఇది ఉపయోగపడుతుంది.

డ్రైవ్‌స్పార్క్ తెలుగు వెబ్‌సైట్ ఆటోమొబైల్ కు సంబంధించిన తాజా వార్తలను అందిస్తుంది. వివిధ సోషల్ మీడియాల ద్వారా సరికొత్త వార్తలను ఎప్పటికప్పుడు యూజర్లకు చేరవేస్తుంది. తాజా కార్ల వార్తలు, బైక్ వార్తలు, టెస్ట్ డ్రైవ్ రివ్యూల వీడియోల కోసం మా Facebook, Instagram, YouTube పేజీలతో కనెక్ట్ అవ్వండి. మీకు ఏదైనా వార్త నచ్చితే లైక్ చేయండి. కామెంట్ చేయడం మర్చిపోవద్దు. అలానే మీతోటి స్నేహితులతో ఈ వార్తను పంచుకోగలరు. ధన్యవాదాలు.