ఢిల్లీ: లాంబోర్గినీ కారును క్రాష్ చేసిన వాలెట్ డ్రైవర్

న్యూఢిల్లీలోని లగ్జరీ హోటల్ లీ మెరీడియన్‌లో వాలెట్ పార్కింగ్ కోసం ఓ తెలుపు రంగు లాంబోర్గినీ గల్లార్డో స్పైడర్ సూపర్ కారును వాలెట్ పార్కింగ్ కోసం తీసుకువెళ్తుండగా ఆ కారు యాక్సిడెంట్‌కు గురైంది.

పార్కింగ్ తీసుకువెళ్లే సమయంలో కారు అదుపు తప్పి పక్కనే ఉన్న సిమెంట్ రెయిలింగ్‌ను ఎదురుగా ఢీకొన్నట్లు ఈ ఫొటోలను బట్టి చూస్తుంటే తెలుస్తోంది. ఈ ప్రమాదంలో కారు ముందు భాగం రిపేరు చేయటానికి వీలు లేనంతగా పాడైపోయింది.

కారు ముందు భాగంలో మాత్రమే కాకుండా, సైడ్ మిర్రర్ విరిగిపడి ఉండటం, కారు సైడ్స్‌పై గీతలు పడి ఉండటం కూడా స్పష్టంగా కనిపిస్తోంది. ఈ ప్రమాదం ఎలా జరిగిందో తెలియాలంటే, సదరు హోటల్ యాజమాన్యం సిసిటివి ఫుటేజ్‌ను విడుదల చేయాల్సి ఉంది.

కారు వేగాన్ని అదుపు చేయలేక ప్రమాదం జరిగిందా లేక వేరే ఏ వాహన్నైనా ఢీకొట్టడం వలన యాక్సిడెంట్ జరిగిందా అనేది తేలాల్సి ఉంది. ఏదేమైనప్పటికీ, ఈ ప్రమాదంలో వాలెట్ డ్రైవర్‌కు కానీ అక్కడున్న వారికి కానీ ఎలాంటి గాయాలు కాలేదని సమాచారం.

వాలెట్ పార్కింగ్ అంటే, ఏదైనా హోటళ్లు, షాపింగ్ మాల్స్ వద్ద మన కారును పార్క్ చేయటం కోసం ప్రత్యేకంగా ఏర్పాటు చేయబడిన డెస్క్‌ను వాలెట్ అంటారు. ఆ డెస్క్ వద్ద ఉండే సిబ్బంది/డ్రైవర్లు మన కార్లను ఉచితంగా పార్క్ చేస్తారు. దీనినే వాలెట్ పార్కింగ్ అంటారు.