Just In
- 2 hrs ago 25 దేశాల్లో రాయల్ ఎన్ఫీల్డ్ బైక్ రెంటల్స్ అండ్ టూర్స్ సర్వీస్.. RE ఫ్యాన్స్కు పండగే
- 4 hrs ago కేవలం రూ. 8,999లకే డ్యాష్క్యామ్.. ఈ BIS కెమెరా కార్లకు పెట్టుకుంటే చాలు!!
- 12 hrs ago మారుతి స్విఫ్ట్ ధరలు పెరిగాయండోయ్!.. ఇప్పుడే తెలుసుకోండి
- 19 hrs ago గొప్ప మనసు చాటుకున్న రాఘవ లారెన్స్.. దివ్యాంగులకు టీవీఎస్ స్కూటర్ల పంపిణీ
Don't Miss
- News వైసీపీలోకి జనసేన మఖ్య నేతలు - పిఠాపురం పై గురి..!!
- Finance Medicines News: కిరాణా కొట్టులో మందుల విక్రయం.. మోదీ సర్కార్ సంచలన నిర్ణయం..!!
- Lifestyle ప్రాణాలకు ముప్పు ఉందని తెలిపే హీట్ స్ట్రోక్ లక్షణాలు
- Technology Truecaller Spam Model స్పామ్ కాల్స్కు చెక్ పెట్టేందుకు ట్రూకాలర్ కొత్త టూల్ విడుదల..!
- Sports అనూహ్య ఘటనను ఎదుర్కొన్న రోహిత్ శర్మ
- Travel ట్రైన్ జర్నీలో ఆరు రోజులపాటు సాగే తిరుపతి టు ఊటీ టూర్ ప్యాకేజీ..వివరాలివే..!
- Movies Market Mahalakshmi Review: మార్కెట్ మహాలక్ష్మీ మెప్పించిందా? మూవీ ఎలా ఉందంటే?
ఈ కారు వెల అక్షరాల రూ.1,105 కోట్లు..! ప్రపంచంలోనే ఇది అత్యంత ఖరీదైన కారు..!!
ప్రపంచంలో కెల్లా అరుదైన వస్తువులు అంతే అరుదైన వెలను కూడా కలిగి ఉంటాయి. సాధారణంగా ఎవరైనా కారు కోసం ఒక కోటి రూపాయాలు చెల్లించడం అంటే, అది చాలా అరుదైన విషయం. అయితే, ఓ పాత కారు కోసం ఏకంగా వెయ్యి కోట్ల రూపాయలకు పైగా చెల్లించడం అంటే, అది అతిశయోక్తి అవుతుంది. కానీ, ఇది జర్మనీలో నిజంగానే జరిగింది. ప్రపంచంలోనే అత్యంత అరుదైన 1955 మెర్సిడెస్ 300 ఎస్ఎల్ఆర్ 'ఉహ్లెన్హాట్ కూప్' (1955 Mercedes 300 SLR Uhlenhaut Coupe) వేలంలో 143 మిలియన్ డాలర్ల (రూ. 1,105 కోట్లు) వెల పలికి ప్రపంచంలోనే అత్యంత ఖరీదైన కారుగా నిలిచింది.
జర్మనీలోని స్టుట్గార్ట్లోని మెర్సిడెస్-బెంజ్ మ్యూజియంలో ఆర్ఎమ్ సోథెబీస్ నిర్వహించిన ఓ ప్రైవేట్ వేలంలో ఈ కారు అత్యధికంగా 143 మిలియన్ డాలర్లకు అమ్ముడుపోయింది. ఈ వేలంలో అందరికీ పాల్గొనే అర్హత లేదు, ఎంపిక చేసిన వివిఐపి లకు మాత్రమే ఈ వేలం పాటకు ఆహ్వానం ఉంటుంది. మరింత ఈ కారుకి ఎందుకింత డిమాండ్ అంటే.. ప్రపంచంలో ఇలాంటివి రెండు కార్లు మాత్రమే తయారు చేయబడ్డాయి. వాటిలో ఇది రెండవది, ప్రస్తుతం జర్మనీలో ఉంది.
జర్మన్ లగ్జరీ కార్ బ్రాండ్ మెర్సిడెస్ బెంజ్ తయారు చేసిన 2 రేసింగ్ ప్రోటోటైప్ లలో 1955 మెర్సిడెస్ 300 ఎస్ఎల్ఆర్ ఉహ్లెన్హాట్ కూప్ ఒకటి. దీని ప్రస్తుత వెల మునుపటి రికార్డ్ హోల్డర్కి చెల్లించిన మొత్తం కంటే దాదాపు మూడు రెట్లు ఎక్కువ. గడచిన 2019లో ఇలాంటి ఓ వేలంలో 1962 ఫెరారీ 250 జిటిఓ (1962 Ferrari 250 GTO) మోడల్ 48 మిలియన్ డాలర్లకు పైగా వెల పలికింది.
మెర్సిడెస్ 300 ఎస్ఎల్ఆర్ ఉహ్లెన్హాట్ కూప్ ఎందుకంత ప్రత్యేకం?
లే మాన్స్లో రేసింగ్కు వెళ్లేందుకు మెర్సిడెస్-బెంజ్ నిర్మించిన రెండు ప్రోటోటైప్ కూప్ లలో ఈ రికార్డ్ బ్రేకింగ్ కారు ఒకటి మరియు ఈ కారుకు దాని సృష్టికర్త మరియు చీఫ్ ఇంజనీర్ అయిన రుడాల్ఫ్ ఉహ్లెన్హాట్ పేరునే పెట్టారు. అయితే, ఈ అరుదైన 300 ఎస్ఎల్ఆర్ కారు భవిష్యత్తులో మరిన్ని రేసింగ్ లకు వెళ్లకముందే, మెర్సిడెస్ 1955 లో జరిగిన లీ మాన్స్ విపత్తులో 84 మంది ప్రాణాలు కోల్పోవడం మరియు 120 మంది గాయపడం వంటి కారణాల వలన రేసింగ్ నుంచి విరమించుకోవాల్సి వచ్చింది.
ఫ్రెంచ్ డ్రైవర్ పియరీ లెవెగ్ డ్రైవ్ చేసిన మెర్సిడెస్ 300 ఎస్ఎల్ఆర్ ఉహ్లెన్హాట్ కూప్ (Mercedes Benz 300 SLR) మరియు లాన్స్ మాక్లిన్ నడుపుతున్న ఆస్టిన్-హీలీ 100ఎస్ (Austin-Healy 100S) మధ్య క్రాష్ కారణంగా, ఫ్రెంచ్ డ్రైవర్ అక్కడికక్కడే మరణించగా, అతని కారు అతని కారు జనం పైకి వెళ్లి మంటల్లో కాలిపోయింది. ఈ ప్రమాదంలో కొందరు చనిపోగా, చాలా మంది గాయాలపాలయ్యారు. దీంతో ఈ ప్రమాద బాధితులకు గౌరవ సూచకంగా మెర్సిడెస్ బెంజ్ ఈ కారును రేసు నుండి తొలగించింది.
ఆ తర్వాత ఇది మోటార్ రేసింగ్ నుండి పూర్తిగా వైదొలిగింది, 1989లో మాత్రమే తిరిగి వచ్చింది. కాగా, 1955లో, రుడాల్ఫ్ ఉహ్లెన్హౌట్ 300 ఎస్ఎల్ఆర్ యొక్క హార్డ్టాప్ వెర్షన్ కోసం లే మాన్స్ విపత్తుకు ముందే ప్రణాళికలు సిద్ధం చేశాడు మరియు కారెరా పనామెరికానా రేసులో పోటీ చేయాలనే ఉద్దేశ్యంతో W196 ఛాస్సిస్ ఆధారంగా రెండు కార్లను తయారు చేయాలని అతని బృందానికి ఆదేశించాడు. అయితే, మెర్సిడెస్ తన రేసింగ్ ప్రోగ్రామ్ను పూర్తిగా రద్దు చేయాలనే నిర్ణయం ఈ అల్ట్రా రేర్ కార్లలో మరిన్నింటిని తయారు చేయాలనే ప్రణాళికలను పూర్తిగా దెబ్బతీసింది.
ఇంజనీర్ ఉహ్లెన్హౌట్ అప్పుడు నిర్మించబడిన రెండు కార్లను రోడ్-గోయింగ్ ప్రోటోటైప్లుగా తయారు చేయాలని నిర్ణయించుకున్నాడు. వీటిని 'ఉహ్లెన్హాట్ కూప్' అనే మారుపేరుతో తయారు చేశారు. ఈ 300 ఎస్ఎల్ఆర్ యొక్క ప్రోటోటైప్ మోడళ్లు 3.0 లీటర్, ఫ్రంట్-మౌంటెడ్, స్ట్రెయిట్-ఎయిట్ ఇంజన్ను కలిగి ఉండేవి మరియు వీటి బరువు కేవలం 998 కిలోగ్రాములుగా మాత్రమే ఉండేది. ఈ కూప్ లు ఇన్బోర్డ్ డ్రమ్ బ్రేక్లను కలిగి ఉండేవి, వీటిని ఇంజన్ బేలో అమర్చారు, ఫలితంగా ఇవి అసంపూర్తిగా బరువును తగ్గించడంలో సహాయపడ్డాయి.
ఈ కార్లు గరిష్టంగా గంటకు 180 మైళ్ల వేగంతో (గంటకు 289.6 కిమీ వేగంతో) పరుగులు తీస్తాయి. వేలంలో విక్రయించబడిన కారు రెండవ కాన్సెప్ట్ 300 ఎస్ఎల్ఆర్ ఉహ్లెన్హాట్ కూప్. ఈ కారు ఛాసిస్ నంబర్ 196.110-00008/55 మరియు దీనిని ఉహ్లెన్హాట్ స్వయంగా డ్రైవ్ చేశాడు. ఈ కారు డిసెంబరు 1955లో ఫ్యాక్టరీ నుండి బయలుదేరి 6 నెలల తర్వాత ఎబెర్స్పేచర్ సైలెన్సర్ను అమర్చడానికి తిరిగి వచ్చింది. అతని భయంకరమైన కూప్ చేసిన శబ్దం కారణంగా ఉహ్లెన్హాట్ తరువాతి జీవితంలో వినడానికి కష్టంగా మారాడని చెప్పబడింది.
ఈ కారును మెర్సిడెస్ మొదటిసారిగా ఫ్యాక్టరీ నుండి నిష్క్రమించినప్పటి నుండి ఇప్పటి వరకు అలాగే ఉంది. ఇది సెలబ్రిటీలను రవాణా చేయడానికి ఉపయోగించబడింది మరియు 1960ల ప్రారంభంలో యునైటెడ్ స్టేట్స్లో కూడా పర్యటించింది. జనవరి మరియు జూలై 1986 మధ్య, ఈ అరుదైన కూప్ ని టోనీ మెరిక్ పునరుద్ధరించారు. ఈయన అతని శకంలోని ప్రముఖ చారిత్రక వాహన పునరుద్ధరణ నిపుణులు (వెహికల్ కస్టమైజేషన్ ఎక్స్పర్ట్స్) మరియు రేస్ కార్ తయారీ నిపుణులలో ఒకరు.
పునరుద్ధరణ (రీస్టోరేషన్) తర్వాత,ఈ కారు పలు మోటార్ షోలు మరియు రేసుల్లో కనిపించింది. గుడ్వుడ్ ఫెస్టివల్ ఆఫ్ స్పీడ్లో కూడా చాలాసార్లు ఈ కారు కనిపించింది మరియు చివరిగా 2001లో పెబుల్ బీచ్ కాన్కోర్స్ డి ఎలిగాన్స్ వద్ద కనిపించింది. ఆ తర్వాత 2003లో, ఈ కారు బ్రోచర్లో మాత్రమే ప్రదర్శించబడింది. స్టుట్గార్ట్లోని మెర్సిడెస్ మ్యూజియంలో జరిగిన ప్రైవేట్ ఆహ్వానం-మేరకు వేలంలో మొదటిసారిగా ఇది వేలం వేయబడింది మరియు వేలంలో ఇది కార్ల కోసం ఇప్పటి వరకూ ఉన్న ప్రపంచ రికార్డులన్నింటినీ బద్దలు కొట్టింది.
ఈ వేలంలో విక్రయించబడిన టాప్ 10 అత్యంత ఖరీదైన వస్తువులలో Mercedes 300 SLR 'Uhlenhaut Coupe' కూడా ఒకటిగా నిలిచింది. అదృష్టవశాత్తూ, ఈ కారును సొంతం చేసుకున్న కొత్త యజమాని ప్రత్యేక సందర్భాలలో దీనిని ప్రజలకు ప్రదర్శించడానికి అంగీకరించారు. మిగిలిన మొదటి 'ఉహ్లెన్హాట్ కూప్' ఇప్పటికీ స్టుట్గార్ట్లోని మెర్సిడెస్-బెంజ్ మ్యూజియంలోనే ప్రదర్శించడం కొనసాగుతుంది.