సిసిటివి వీడియో: లాంబోర్గినీ క్రాష్ ఎలా జరిగిందంటే..

ఇటీవల న్యూఢిల్లీలోని హోటల్ లీ మెరీడియన్‌లో ఓ వాలెట్ లాంబోర్గినీ గల్లార్డో స్పైడర్ సూపర్‌కారును వాలెట్ పార్కింగ్ చేయటం కోసం తీసుకువెళ్తుండగా యాక్సిడెంట్ అయిన సంగతి తెలిసినదే. కాగా.. ఇప్పుడు హోలట్ లీ మెరీడియన్ వాళ్లు తమ సిసిటివి కెమరాకు చిక్కిన ఈ యాక్సిడెంట్ దృశ్యాలను విడుదల చేశాయి.

ఈ వీడియో ఫుటేజ్‌ను గమనిస్తే, ఈ ప్రమాదం ఎలా జరిగిందో ఇట్టే తెలిసిపోతుంది. ఆ ఫుటేజ్ ప్రకారం, మెయిన్ ఎంట్రన్స్ వద్ద లాంబోర్గినీ గల్లార్డో స్పైడర్ కారు యజమాని కారు దిగగానే, వాలెట్ కారు ఎక్కి కూర్చున్నాడు. ఆ తర్వాత ఒక్కసారిగా యాక్సిలరేటర్ పెడల్‌పై కాలు వేయటంతో గల్లార్డో కారు ముందున్న మరో కారును గుద్దుకుంటూ పోయి సిమెంట్ గోడను ఢీకొట్టింది.

ఆ సమయంలో పార్కింగ్ కోసం దాదాపు నాలుగైదు కార్లు అక్కడే ఉన్నాయి. వాలెట్ సిబ్బంది, హోటల్ సిబ్బంది, కస్టమర్లు అటూ ఇటూ తిరుగుతూ ఉన్నారు. కారు ఒక్కసారిగా దూసుకురావటంతో అక్కడున్నవారంతా మెట్లపైకి పరుగులు తీశారు. ఆ యాక్సిడెంట్ జరిగిన తీరును మీరు కూడా ఈ వీడియోలో వీక్షించండి.
<center><iframe width="100%" height="450" src="//www.youtube.com/embed/79sFkUi2iAc?rel=0" frameborder="0" allowfullscreen></iframe></center>