అదే నంబర్ విజయ్ రూపానీ ప్రాణాల్ని తీసిందా? అదృష్టం అని భావిస్తే.. చివరికి దురదృష్టం తెచ్చిందా?

అహ్మదాబాద్‌లో గురువారం, జూన్ 12న ప్రమాదానికి గురైన ఎయిర్‌ ఇండియా విమానం ఫ్లయిట్‌ నెంబర్‌ ఏఐ-171 జనావాసాల్లో పడిపోగా ఈ ఘటనలో 240 కంటె ఎక్కువ మంది చనిపోగా ఇది దేశాన్ని విషాదంలో ముంచెత్తింది. ఈ ఘటనలో ప్రాణాలు కోల్పోయిన వారిలో పలువురు ప్రముఖలు కూడా ఉన్నారు. వారిలో గుజరాత్ మాజీ ముఖ్యమంత్రి, ప్రముఖ బీజీపీ నేత విజయ్ రూపానీ కూడా ఉన్నారు. ఆయన మరణం రాజకీయ వర్గాలను, ఆయనను వ్యక్తిగతంగా అభిమానించే ప్రజల మనసుల్లో తీవ్ర దుఃఖాన్ని కలిగించింది. ఈ ప్రమాదంలో విస్మయకర అంశం ఆయన మరణించిన తేదీ స్వయంగా జూన్ 12వ తేదీ కావడం. ఈ నెంబర్ అంటే ఆయనకు ప్రత్యేకంగా ఇష్టమని యన సన్నిహితులు చెబుతున్నారు.

ఈ నేపథ్యంలో రూపానీకి 12వ నంబర్‌తో లోతైన సంబంధం చుట్టూ సోషల్ మీడియా, వార్తా నివేదికలు హోరెత్తుతున్నాయి. ఆయన వాడే అన్ని వాహనాల నంబర్ ప్లేట్లలో అదే సంఖ్య ఉండేది. ఈ నంబర్‌ను ఆయన తన అదృష్ట సంఖ్యగా భావించేవారు. కానీ, అదే నంబర్ చివరికి ఆయన జీవన గమనంలో విషాదమైన మలుపు తీసుకువచ్చిన రోజు అయిపోవడం విషాదకరం.ఈ సంఖ్యతో ఆయనకు ఉన్న అనుబంధం అక్కడితో ఆగలేదు.

లండన్‌కి వెళ్లేందుకు ఆయ‌న ఎక్కిన విమానంలో ఆయన సీటు నంబర్ కూడా 12 కాగా, బోర్డింగ్ టైం మధ్యాహ్నం 12:10. ఇవన్నీ కలిపి చూస్తే, 12 అనే సంఖ్య ఆయన జీవితంలో ఓ విశేష స్థానాన్ని దక్కించుకుంది అనిపిస్తుంది. ఓవైపు అది ఆయనకు అదృష్టాన్ని తెచ్చిపెట్టినట్టైనా కనిపిస్తే, మరోవైపు అదే సంఖ్య చివరికి ఆయనకు యమపాశం అయినట్టు నిలిచింది. ఈ ఘటనతో ఆయన కారు నెంబర్ కూడా వెలుగులోకి వచ్చింది.

విజయ్ రూపానీ జీవితంలో 1206 అనే సంఖ్యకు ఓ ప్రత్యేక స్థానం ఉన్న దృష్ట్యా అందరు దీని గురించి మాట్లాడుకుంటున్నారు. ఇది కేవలం నాలుగు అంకెల కలయిక మాత్రమే కాదు, ఆయన ఈ నెంబర్ జీవితంలో శ్రేయస్సు, విజయాలు, ప్రాధాన్యత కలిగిన ఘట్టాలను గుర్తు చేసే ఒక సంకేతం. అందుకే, తన వాహనాల రిజిస్ట్రేషన్ ప్లేట్లన్నింటిలోనూ ఇదే సంఖ్య ఉండేలా చూసుకున్నట్లు సమాచారం.

ఆయన స్నేహితులు, సన్నిహితుల మాటల్లో చెప్పాలంటే, 1206 సంఖ్యను ఆయన తన అదృష్ట సంఖ్యగా భావించేవారని తెలుస్తోంది. ఆయన జీవిత ప్రయాణంలో ఎదుగుదల, రాజకీయ స్థిరత్వం వంటి మైలురాళ్లు ఈ సంఖ్య చుట్టూ తిరిగినట్టు ఉందని వారు గుర్తుచేస్తున్నారు. కానీ, అహ్మదాబాద్‌లో జూన్ 12న జరిగిన విమాన ప్రమాదం ఆ సంఖ్యకే మబ్బు కమ్మిన రోజు అయింది.

12-06 అనే తేదీ, అదే 1206.. అనేది ఎప్పటివరకు ఆయనకు ప్రేరణగా నిలిచిన గుర్తు, ఒక్కసారిగా విషాదకరమైన సంఘటనకు ప్రతీకగా మారింది. ఇది ఒక విధంగా అనుకున్న అదృష్టం ఎలా అర్థాన్ని మార్చుకుంటుందో చూపించే సంఘటనగా నిలిచింది. ఈ సంఖ్యలో ఉన్న ప్రత్యేకత ఆయన లండన్ ప్రయాణ వివరాల్లోనూ ప్రతిఫలించింది.

విజయ్ రూపానీ వంటి అనుభవజ్ఞుడైన రాజకీయ నాయకుడు దురదృష్టకరంగా ఒక విమాన ప్రమాదంలో ప్రాణాలు కోల్పోవడం, అది తాను ప్రత్యేకంగా భావించిన నంబర్‌కు సంబంధించిన రోజునే జరగడం అనేది బాధాకరమే కాదు, ఆలోచించాల్సిన విషయమూ. విజయ్ రూపానీ 2016 నుండి 2021 వరకు గుజరాత్ 16వ ముఖ్యమంత్రిగా పనిచేశారు. మాజీ సీఎం తన కుమార్తెను కలవడానికి లండన్‌కి బయలుదేరిన సమయంలో అకస్మాత్తుగా జరిగిన ప్రమాదంలో చనిపోయారు.

గుజరాత్‌తోపాటు దేశమంతా ఈ ప్రమాదానికి దిగ్భ్రాంతి చెందింది. రాజకీయ ప్రముఖులు, అధికార పార్టీ నేతలు, విపక్షాలు, సామాన్య పౌరుల వరకు అందరూ రూపానీకి సంతాపం తెలియజేశారు. ఓ తండ్రిగా కుమార్తెను కలవడానికి వెళ్లిన నాయకుడు, ఓ రాష్ట్రానికి నాయకత్వం వహించిన నేతగా, ప్రజల మనసుల్లో స్ఫూర్తిగా నిలిచిపోయాడు.