పనికిరాని బస్సును డిజైనర్ హౌస్‌గా మార్చిన లేడీ

By Ravi

Published: Friday, August 30, 2013, 16:29 [IST]

సాధారణంగా పనికిరాని బస్సులను ముక్కులగా విరగొట్టి పాత సామాన్ల వాడికి వేసేస్తారు. కానీ వీళ్లు మాత్రం పనికిరాని బస్సు కనిపిస్తే, దానిని ఇదిగో ఈ ఫోటోల్లో కనిపించేలా, కళ్లు జిగేల్‌‌మనే డిజైనర్ హౌస్‌గా మార్చేస్తారు.

మాములగా డబ్బున్నోళ్లు కొత్త బస్సులను కొనుగోలు చేసి, కోట్లు పోసి వాటిని ఖరీదైన మోటార్‌హోమ్‌లుగా మార్చుకుంటుంటారు. కానీ ఇజ్రాయిల్‌కు ఈ ఇంటీరియర్ డిజైనర్లు మాత్రం పనికిరాని బస్సును సేకరించి ఇలా విలాసవంతమైన గృహంగా మార్చేశారు.

మరి ఈ బస్సు విశేషాలేంటో ఈ కథనంలో తెలుసుకుందాం రండి..!

పనికిరాని బస్సును డిజైనర్ హౌస్‌గా మార్చిన లేడీస్

ముందుగా, పనికిరాని బస్సు ఎలా ఉందో ఈ ఫొటోలో చూడండి. ఈ పాత డొక్కు బస్సును కొనేందుకు ఇజ్రాయేల్‌కు చెందిన ఇద్దరు మహిళలు టాలీ సాల్, హగిట్ మోరెవ్‌స్కీ ఎంత చెల్లించారో తెలియదు కానీ, దీనిని మరమత్తు చేసేందుకు చాలానే ఖర్చు చేసినట్లు తెలుస్తోంది.

తర్వాత, ప్రముఖ డిజైనింగ్ సంస్థ వార్డ్ డిజైన్ సహకారంతో ఈ ఇద్దరు అమ్మాయిలు బస్సును ఇలా ఓ అద్భుతమైన నివాస యోగ్యమైన మోటార్‌ హోమ్‌గా మార్చేశారు.

బస్సులోని సీట్లను పూర్తిగా తొలగించి, ఇంటీరియర్‌లో ఫ్లోర్ నుంచి రూఫ్ వరకూ కొత్త మెటీరియల్‌తో ఆకర్షనీయంగా తీర్చిదిద్దారు. విశాలవంతంగా ఉండే ఈ బస్సులో ఎయిర్ కండిషనింగ్, హాట్ వాటర్ వంటి సౌకర్యాలు కూడా ఉన్నాయి.

రెండున్న అడుగుల వెడల్పు, 12 అడుగుల పొడవు ఉండే ఈ బస్సులో బాత్రూమ్, కిచెన్, డైనింగ్ రూమ్ వంటి అనేక సౌలభ్యాలున్నాయి. సాధారణ ఇంటిలో నివసించడానికి కావల్సిన అన్ని సదుపాయాలను ఈ బస్సులో పొందుపరచారు.