కదిలే కారుపై షాకింగ్ స్టంట్స్ చేసిన పొలిటికల్ లీడర్ కొడుకుపై చర్యలు తీసుకున్న పోలీసులు

నివేదికల ప్రకారం ఆ యువకుడు కదిలే కారు డోర్ గుండా కారు పైకి ఎక్కి అక్కడ స్టంట్స్ చేసాడు. అంతే కాకుండా ఈ యువకుడు ఈ సంఘటనను వీడియో తీసి సోషల్ నెట్‌వర్కింగ్ సైట్లలో పోస్ట్ చేశాడు. సోషల్ నెట్‌వర్కింగ్ సైట్లలో వైరల్ అయిన ఈ వీడియో ఉత్తర ప్రదేశ్ పోలీసుల దృష్టికి వచ్చింది.

వీడియో ఆధారంగా పోలీసులు ఆ యువకుడిని గుర్తించారు. కదిలే కారుపైన చేసిన ఈ చర్యలకు ఆ యువకుడు క్షమాపణలు చెప్పాడు. బహిరంగ రహదారిపై ఈ విధంగా చేసిన ఆ యువకుడికి జరిమానా విధించబడింది.

ఈ సంఘటనలో కనిపిస్తున్న ఈ యువకుడు యువ సోషలిస్టు పార్టీ నాయకుడు కృష్ణ మురారి యాదవ్ కుమారుడు ఉజ్వాల్ యాదవ్ అని తెలిసింది. కొద్ది రోజుల క్రితం ఉజ్వాల్ యాదవ్ చేసిన ఈ చర్యల వీడియో వైరల్ అయింది. ఈ కారణంగా పోలీసులు అతనిపై కఠినమైన చర్యలు తీసుకున్నారు.

సాధారణంగా అప్పుడప్పుడు ఇలాంటి సంఘటనలకు సంబంధించిన వీడియోలో వైరల్ అవుతూ ఉంటాయి. బహిరంగ రహదారులపై జరిగే ఈ సంఘటనలు చాలా ప్రమాదానికి దారి తీస్తాయి. ఇవి కేవలం వాహనదారునికి మాత్రమే కాదు అతని చుట్టూ ఉన్న వారిని కూడా ప్రమాదంలో పడేస్తుంది.

దీని గురించి ఐపిఎస్ అధికారి అజయ్ కుమార్ మాట్లాడుతూ, ట్రాఫిక్ నిబంధనలను ఉల్లంఘించే వారిని హెచ్చరించే రీతిలో మాట్లాడారు. ఈ సంఘటనకు కారణమైన కార్ ఓనర్ ఉజ్వాల్ యాదవ్‌కు రూ .2,500 జరిమానా విధించినట్లు పోలీసులు వీడియో ద్వారా ధృవీకరించారు.

సోషల్ నెట్‌వర్క్‌లలో వైరల్ అయిన వీడియోల ఆధారంగా పోలీసులు చర్యలు తీసుకోవడం ఇదే మొదటిసారి కాదు. ఇటీవల, బహిరంగ రహదారిపై ఒక మహిళా బైకర్‌ వీడియో కూడా వైరల్ అయింది. ఇలాంటి సంఘటనలు చాలామంది యువతను ప్రేరేపిస్తాయి. కావున ఎలాంటి సంఘటనలకు కారణమైన వారిపై వేంటనే కఠినమైన చర్యలు తీసుకుంటున్నారు.