రూ. 10 కోట్ల విలువైన కారులో ప్రయాణించిన యూట్యూబర్ ఏం చెప్పాడంటే?

ప్రపంచవ్యాప్తంగా ఉన్న చాలా కంపెనీ ఈ ఖరీదైన రోల్స్ రాయిస్ కార్లను అద్దెకు తీసుకుంటాయి. అంటే అత్యంత విలాసవంతమైన జీవితం గడపడానికి ఎక్కువ ఖర్చుచేసే వారి కోసం ఈ రోల్స్ రాయిస్ కార్లు ప్రత్యేకంగా వినియోగించబడతాయి. ఇవి లగ్జరీ అనుభూతిని అందిస్తాయి.

సెలబ్రెటీలు, ఎక్కువ డబ్బున్న వారు వినియోగించే ఇటువంటి కారులో ఒక మధ్యతరగతికి కుటుంబానికి చెందిన ఒక యువకుడు ప్రయాణించాడు. ఈ వ్యక్తి ప్రయాణించిన కారు ధర అక్షరాలా రూ. 9.50 కోట్లు. ఇక్కడ గమనించవలసిన విషయం ఏమిటంటే ఈ వ్యక్తి ప్రయాణించిన ఈ కారు అద్దె కారు.

మధ్యతరగతి యువకుడు ప్రయాణించిన ఈ కారు 'రోల్స్ రాయిస్ ఫాంటమ్'. ఈ కారు నగరంలో లీటరు పెట్రోల్‌కు కేవలం 2.5 కిలోమీటర్ల నుండి 3 కిలోమీటర్ల మైలేజీని మాత్రమే అందిస్తుంది. ఈ కారు హైవేలో 4 కిలోమీటర్ల నుండి 5 కిలోమీటర్ల అందిస్తుంది.

ఈ కారులో సాధారణ పెట్రోల్ ఉపయోగించబడదు. దీని బదులుగా ఆక్టేన్ 97 పెట్రోల్ వాడాలి. ఈ కారులో ప్రయాణిస్తున్న యువకుడు మాట్లాడుతూ కారు గంటకు 80 కి.మీ వేగంతో అనుభవం చాలా అద్భుతంగా ఉందని అన్నాడు.

ఈ లగ్జరీ కారులో ఉన్న యువకుడు, తనకు ఆ కారులోని మసాజ్ పంక్షన్స్ పట్ల చాలా ఆకర్షితుడయ్యానని చెప్పాడు. సాధారణంగా రోల్స్ రాయిస్ కార్లు అనేక లగ్జరీ ఫీచర్స్ కలిగి ఉన్నాయి. రోల్స్ రాయిస్ ఫాంటమ్ కారు సీట్లు 10 రకాల మసాజ్ పంక్షన్స్ కలిగి ఉంటాయి. ఈ కారులో విండో కవర్ ఫాబ్రిక్ కవర్ల ధర రూ. 15 లక్షలవరకు ఉంటుందని ఆ కారు డ్రైవర్ తెలిపాడు.

గేర్ షిఫ్టింగ్ యొక్క శబ్దం లేదా కారు వెలుపల శబ్దం కారులో అస్సలు రాకుండా ఉంటుంది. విండోస్ ఓపెన్ చేసే బటన్, కారు పైకప్పుపై చిన్న స్టార్ లైట్ మరియు గాజుతో చేసిన డాష్‌బోర్డ్ ఈ యువకుడిని చాలా ఆకర్శింపజేశాయి.

జీవితంలో ఒక్కసారైనా ఇలాంటి రోల్స్ రాయిస్ ఫాంటమ్‌లో ప్రయాణించాలని తన అనుభూతిని వీడియోలో పంచుకున్నాడు. ఈ వీడియోను యూట్యూబ్ ఛానల్ నీరజ్ ఎలంగోవన్ లో అప్‌లోడ్ చేశారు. అప్లోడ్ చేయబడిన ఈ వీడియో 55 వేలకు పైగా ప్రజలు వీక్షించారు.

రోల్స్ రాయిస్ కార్లను భారతదేశంలోని కొన్ని ప్రైవేట్ కంపెనీలు అద్దెకు తీసుకుంటాయి. ఎందుకంటే రోల్స్ రాయిస్ కారు అందరూ కొనుగోలు చేయలేరు, కానీ అందులో ప్రయాణించాలని చాలామందికి ఉంటుంది. కావున అద్దెకు తీసుకున్న కంపెనీలు ఈ సదుపాయాన్ని సామాన్య ప్రజలకు కూడా కల్పిస్తుంది.

Image Courtesy: Neeraj Elangovan