జీరో ఎలక్ట్రిక్ స్కూటర్ వెస్పా సెగ్‌వే - వివరాలు

ఈ జీరో ఎలక్ట్రిక్ స్కూటర్ వెస్పా సెగ్‌వేను పియాజ్జియో నుంచి గ్రహించిన ఒరిజినల్ విడిభాగాలతో తయారు చేశారు. అందుకే ఇది లుక్ పరంగాను మరియు పెర్ఫార్మెన్స్ పరంగాను క్లాసిక్ ఇటాలియన్ వెస్పా ఫీల్‌ను ఆఫర్ చేస్తుంది.

ఇందులో రెండు 1.34సివి ఇంజన్లను అమర్చారు (రెండు చక్రాలలో). ఇది గరిష్టంగా గంటకు 20 కిలోమీటర్ల వేగంతో వెళ్తుంది. బ్యాటరీని పూర్తిగా చార్జ్ చేసినట్లయితే, దీనిపై 34 కిలోమీటర్ల దూరం వరకు ప్రయాణించవచ్చు.

ఇది ఇతర సెగ్‌వేల మాదిరిగా కాకుండా, 180 కిలోల బరువున్న వ్యక్తిని కూడా సులువుగా క్యారీ చేయగలదు. అంతేకాకుండా, 30 డిగ్రీల కోణంలో ఉండే ఎత్తులను కూడా ఇది సులువుగా ఎక్కేయగలదు.

మాక్సీహాబీ నుంచి అందుబాటులో ఉన్న ఈ జీరో ఎలక్ట్రిక్ స్కూటర్ వెస్పా ధర 2995 యూరోలు (మన కరెన్సీలో సుమారు రూ.2.5 లక్షలు).

సెగ్‌వే పర్సనల్ ట్రాన్స్‌పోర్టర్లు లిథియం అయాన్ బ్యాటరీల ద్వారా పనిచేస్తాయి. సెగ్‌వే సెల్ఫ్-బ్యాలెన్స్‌డ్ పర్సనల్ ట్రాన్స్‌‌పోర్టర్లను నడపటం చాలా సులువు. పర్సనల్ ట్రాన్స్‌‌పోర్టర్లను ముందుకు లేదా వెనకు మూవ్ చేయాలంటే దానిపై ఉండే రైడర్ కొద్దిగా ముందుకు లేదా వెనకకు వంగి కదలిక చేస్తే సరిపోతుంది.

అలాగే కుడివైపుకు లేదా ఎడమవైపుకు తిరగాలంటే, స్టీరింగ్ ఫ్రేమ్‌ను కుడివైపుకు కానీ లేదా ఎడమవైపుకు కానీ స్వల్పంగా వంచితే సరిపోతుంది. సింపుల్‌గా చెప్పాలంటే ఇది మోషన్ సెన్సార్ల ఆధారంగా, రైడర్ కదలికలను బట్టి ముందుకు, వెనకు, కుడి వైపుకు ఎడమ వైపుకు తిరుగుతుందన్నమాట.

సెగ్‌వే పర్సనల్ ట్రాన్స్‌పోర్టర్లు కేవలం సాధారణం ప్రయాణం కోసం మాత్రమే కాకుండా, విమానాశ్రయాలు, పెద్ద పెద్ద పరిశ్రమలు, టూరిజం, పోలీస్ పెట్రోలింగ్ వంటి ప్రయోజాల కోసం వీటిని ఉపయోగిస్తుంటారు.