'చిన్న(లక్ష) కార్ల' భద్రతా ప్రశ్నార్థకమేనా??

Published: Monday, November 16, 2009, 12:06 [IST]

భారతీయమార్కెట్ లో మద్యతరగతి వారిని లక్ష్యంగా చేసుకొని రూపొందిన కారు టాటా నానో ఓ సంచలనం సృష్టించింది. లక్ష రూపాలకే మీరు కారు ఓనర్ అయిపోవచ్చు అనే ఆలోచన అందరినీ ఆకర్షించింది. దీంతో ఈ కారుకు విశేష ఆదరణ లభించింది. ఇప్పటికే ఈ కారు రోడ్ల మీద పరుగులు తీస్తుండగా, ఎంతో మంది ఈ కారు కోసం ఆర్డర్లు ఇచ్చి ఎప్పుడు తమ వంతు వస్తుందా అని ఎదురుచూస్తున్నారు. దీంతో టాటా మోటార్స్ నానో ఉత్పత్తిని పెంచాలని నిర్ణయించుకొంది. ఈ చిన్న కారుకు వస్తున్న ఆదరణ చాలా ఆటోమొబైల్ కంపెనీలను ఈ చిన్న కారు దిశగా ఆలోచించేలా చేసింది. కానీ నిస్సాన్-రినాల్ట్ కంపెనీ మాత్రమే ఈ సాహసానికి నడుం బిగించింది. భారతీయ ఆటోమొబైల్ దిగ్గజం బజాజ్ ఆటో వారితో కలసి ఈ చిన్న కారును రూపొందించేందుకు రంగం సిద్ధం చేసుకొంది.

ఇప్పటి వరకూ టూ-వీలర్, త్రీ-వీలర్ వాహనాలను మాత్రమే రూపొందించిన బజాజ్ ఆటో వారికిది తొలి ఆటో కారు ప్రాజెక్టు కావడం గమనార్హం. 2,500 డాలర్లు విలువ చేసే ఈ కారు ధరను అదుపులో వుంచడానికి టూ-వీలర్, త్రీ-వీలర్ ఇంజన్ లకు ఉపయోగించే పరికరాలనే ఈ కారు రూపొందించడానికి ఉపయెగిస్తున్నారట. కానీ ఈ పరికార వల్ల కారుకు ఎలాంటి భద్రతా సమస్యలు రాబోవని కంపెనీ వర్గాలకు చెందిన ఓ వ్యక్తి వివరణ ఇచ్చారు. చూస్తుంటే చిన్న కారు మోజులో, ధర తగ్గించాలనే ప్రయత్నంలో చివరికి సైకిల్ ముడి భాగాలు కారులో ఉపయోగించినా ఆశ్చర్యపోనవసరం లేదు. కానీ ఈ ముడిభాగాల వల్ల కారు భద్రత గాలిలో దీపం లాంటిదని నిపుణులు అభిప్రాయపడుతున్నారు. దానికి నిదర్శనమే ఇటీవల చోటుచేసుకున్న టాటా నానో కారులో షార్ట్ సర్యూట్ ప్రమాదాలని వారు అభిప్రాయపడుతున్నారు.

Article Published On: Monday, November 16, 2009, 12:06 [IST]

More from DriveSpark