హోండా నుంచి సరికొత్త డీలక్స్ వేరియంట్ యునికార్న్ డాజ్లర్

Updated: Thursday, June 6, 2013, 14:36 [IST]

జపాన్‌కు చెందిన ప్రముఖ ద్విచక్ర వాహన తయారీ సంస్థ హోండా మోటార్‌సైకిల్ అండ్ స్కూటర్ ఇండియా లిమిటెడ్ (హెచ్ఎమ్ఎస్ఐ) దేశీయ విపణిలో అందిస్తున్న 150సీసీ మోటార్‌సైకిల్ యునికార్న్ డాజ్లర్‌లో మరో కొత్త వేరియంట్‌ను నేడు విడుదల చేసింది. ప్రస్తుతం లభిస్తున్న స్టాండర్డ్ వేరియంట్ కన్నా రూ.1,000 అధిక ధర కలిగి ఉండేలా ఓ కొత్త డీలక్స్ వెర్షన్ "సిబి యునికార్న్ డాజ్లర్"ను హెచ్ఎమ్ఎస్ఐ విడుదల చేసింది. ఈ నెలాఖరు నాటికి ఈ కొత్త మోడల్ అందుబాటులోకి రానుంది.

హోండా తాజాగా అదిస్తున్న డీలక్స్ వేరియంట్ సిబి యునికార్న్ డాజ్లర్ రెండు ఆకర్షణీయమైన రంగుల్లో లభ్యం కానుంది. దీని ధర రూ.66,198 (ఎక్స్-షోరూమ్, ఢిల్లీ)గా ఉంది. స్టాండర్డ్ వేరియంట్ సిబి యునికార్న్ డాజ్లర్ ధర రూ.65,198 (ఎక్స్-షోరూమ్, ఢిల్లీ)గా ఉంది. కొత్త వేరియంట్‌లో ఎలాంటి సాంకేతిక మార్పులను కంపెనీ చేయలేదు. ఇది బిఎస్-3 కాలుష్య నిబంధనలను పాటిస్తుంది. ట్యూబ్‌లెస్ టైర్స్, అల్లాయ్ వీల్స్ ఇందులో ప్రధాన ఆకర్షణగా నిలువనున్నాయి.

Article Published On: Wednesday, November 23, 2011, 18:14 [IST]

English summary

Honda Motorcycle & Scooter India (HMSI) today launched a new variant of its 150 cc bike -- CB Unicorn Dazzler, priced up to Rs 66,198 (ex-showroom, Delhi.)

More from DriveSpark