మహీంద్రా రోడియో ఇప్పుడు డ్యూయెల్ కలర్ ఆప్షన్‌తో లభ్యం

రోడియో స్కూటర్‌లో స్కార్లెట్ బ్లాక్, స్టెర్లింగ్ బ్లాక్ అనే డ్యూయెల్ టోన్ లిమిటెడ్ ఎడిషన్ వేరియంట్లను మహీంద్రా టూవీలర్స్ విడుదల చేసింది. సరికొత్త స్టైల్, లుక్ కలిగిన ఈ రెండు లిమిటెడ్ ఎడిషన్ వేరియంట్లు కూడా 124.6సీసీ ఇంజన్‌ను కలిగి ఉండి 8 బిహెచ్‌పిల గరిష్ట శక్తిని విడుల చేస్తాయి. రోడియో స్కూటర్‌లో డిజిటల్ డిస్‌ప్లే (స్పీడోమీటర్) ప్రధాన ఆకర్షనగా నిలువనుంది.

ఆకర్షనీయమైన గ్రాఫిక్స్, ఏరోడైనమిక్ డిజైన్, ఆకట్టుకునే రంగులతో ఇది లభిస్తుంది. ఇందులో అమర్చిన శక్తివంతమైన సూపర్‌చార్జ్‌డ్ బ్యాటరీ కారణంగా స్పష్టమైన హారన్ సౌండ్, కాంతివంతమైన హెడ్‌ల్యాంప్, తక్షణ స్టార్ట్ వంటి సదుపాయాలను పొందవచ్చు. ఇందులో ఉన్న యాంటీ-థెఫ్ట్ మ్యాజిక్ కీ ద్వారా మీ రోడియో స్కూటర్‌ను దొంగల బారిన పడకుండా కాపాడవచ్చు.