ప్రీమియం మోటార్‌సైకిల్ సెగ్మెంట్లో తగ్గిన హీరో అమ్మకాలు

ఈ విభాగంలో హీరో మోటోకార్ప్ సిబిజెడ్, కరిజ్మా, హంక్ మరియు తాజాగా విడుదల చేసిన 150సీసీ ఆన్-రోడ్ అండ్ ఆఫ్-రోడ్ మోటార్‌సైకిల్ ఇంపల్స్ మోడళ్లను అందిస్తుంది. గడచిన డిసెంబర్ జపాన్ భాగస్వామి హోండా మోటార్ కార్పోరేషన్ నుండి విడిపోయినప్పటి నుండి ఈ విభాగంలో అమ్మకాలు తగ్గుముఖం పట్టినట్లుగా తెలుస్తోంది.

ఏదేమైనప్పటికీ... ఇదే విభాగంలో బజాజ్, యమహా, హోండా, టీవీఎస్ కంపెనీల అమ్మకాలు మాత్రం జోరుగా సాగుతున్నాయి. వాస్తవానికి ఈ కంపెనీలు అందిస్తున్న బడ్జెట్ బైక్‌ల కన్నా ప్రీమియం బైక్‌లకే అధిక ఆదరణ లభిస్తుంది. జనవరి 2011లో 34,116 ప్రీమియం మోటార్‌సైకిళ్లను విక్రయించిన హీరో మోటోకార్ప్, గడచిన నవంబర్ 2011లో 23,860 యూనిట్లను మాత్రమే విక్రయించగలిగింది.