సరికొత్త ఫీచర్లతో 2012 హోండా సిబిఆర్ 1000ఆర్ఆర్!

హోండా ఈ మోడల్‌ను ప్రవేశపెట్టి 20 సంవత్సరాలు పూర్తికావడంతో ఈ సరికొత్త 2012 హోండా సిబిఆర్ 1000ఆర్ఆర్ ఫైర్‌బ్లేడ్‌ను కంపెనీ రూపొందించింది. సిబిఆర్ 1000 సూపర్‌బైక్‌ను తొలిసారిగా 1991లో హోండా విడుదల చేసింది. 2012 ఫైర్‌బ్లేడ్‌ ఇంజన్‌లో ఎలాంటి మార్పులు చేయకుండా కాస్మోటిక్ మార్పులను చేసి హోండా విడుదల చేసింది.

2012 ఫైర్‌బ్లేడ్‌లో సరికొత్త స్టైలిష్ ఎక్స్టీరియర్ డిజైన్, కొత్త ఫీచర్లు, సరికొత్త అల్లాయ్ వీల్స్, బెటర్ సస్పెన్షన్, బెటర్ ఇన్‌స్ట్రుమెంట్ క్లస్టర్ వంటి కాస్మోటిక్ మార్పులను చేసింది. ఈ సూపర్‌బైక్‌కు మరింత స్పోర్టీ లుక్ ఇచ్చేందుకు 12-స్పోక్ అల్లాయ్ వీల్స్‌ను అమర్చారు. ఈ బైక్ బరువును తగ్గించేందుకు గానూ అల్లాయ్ వీల్స్‌ను తేలికపాటి అల్యూమినియం లోహంతో రూపొందించారు.

2012 ఫైర్‌బ్లేడ్ సూపర్‌బైక్‌కు అమర్చిన ఇన్‌స్ట్రుమెంట్ ప్యానెల్ సరికొత్త ఎల్‌సిడి డిస్‌ప్లే సిస్టమ్‌ను కలిగి ఉండి, ల్యాప్ టైమర్, గేర్ ఇండికేటర్, టాకో మీటర్‌లను కలిగి ఉండి నాలుగు డిస్‌ప్లే మోడ్‌లను కలిగి ఉంటుంది. ఇందులో ఉపయోగించిన 999సీసీ ఫోర్-సిలిండర్ ఎమ్‌పిఎఫ్ఐ ఇన్‌లైన్ పెట్రోల్ ఇంజన్ అధిక శక్తిని కలిగి ఉండి మంచి పెర్ఫామెన్స్ ఇస్తుంది.