అక్షయ తృతీయ సెంటిమెంట్: రాజధానిలో బైక్ సేల్స్ అదుర్స్

Published: Saturday, May 7, 2011, 15:03 [IST]

రాజధానిలో అక్షయ తృతీయ సెంటిమెంట్ బాగానే వర్క్‌అవుట్ అయింది. ఓ వైపు పెళ్లిళ్ల సీజన్ మరోవైపు అక్షయ తృతీయ రెండూ ఒకేసారి రావడంతో వ్యాపారుల పంట పండింది. అక్షయ తృతీయ సందర్భాన్ని పురస్కరించుకొని ఓ వైపు ఆటోమొబైల్ కంపెనీలు వాహనాలపై గోల్డ్, సిల్వర్ కాయిన్ ఆఫర్లను ప్రకటిచడం, మరోవైపు కొత్త అల్లుడికి కొత్త బైక్ కొనిపెట్టేందుకు మామగార్ల ప్రయత్నాలతో హైదరాబాద్‌లో వాహన విక్రయాలు జోరందుకున్నాయి. దీనికితోడు పరీక్షల్లో ఉత్తీర్ణులైన విద్యార్థులకు తల్లిదండ్రులు బహుమతిగా బైక్‌ను ఇవ్వాలనుకోవడం ఈ వ్యాపారానికి మరింత ఊతమిచ్చింది.

కేవలం మూడు రోజుల్లో నగరంలో దాదాపు 7,500లకు పైగా ద్విచక్ర-వాహనాలు అమ్ముడుపోగా, ఒక్క శుక్రవారం రోజునే 1500 బైక్‌లను విక్రయించారంటే ఈ సెంటిమెంట్ ఎలా పనిచేశాయో ఇట్టే అర్థమవుతుంది. నగరంలో ఒక నెల మొత్తం పాటు విక్రయిస్తే ఎన్ని బైకులు అమ్ముతారో.. వాటిల్లో సగం ఈ మూడు రోజుల్లోనే అమ్ముడయ్యాయి. పల్సర్, డిస్కవర్ వంటి మంచి క్రేజున్న బైక్‌లే కాకుండా, బడ్జెట్‌ బైకుల వ్యాపారం కూడా బాగానే జరిగిందని వాహన డీలర్లు సంతోషం వ్యక్తం చేస్తున్నారు.

Article Published On: Saturday, May 7, 2011, 15:03 [IST]

English summary

Akshaya Tritiya Sentiment worked very well in Hyderabad. On the occasion of Akshaya Tritiya bike sales reported rapid growth across the city. It also season for marriages, so this sentiment also boost the bike sale.

More from DriveSpark