స్టీల్‌బర్డ్ నుంచి కార్బన్ ఫైబర్ అండ్ ఫ్లిప్-ఆఫ్ హెల్మెట్స్

ఇదంతా సరే.. మనం ఇప్పుడు చెప్పుకోబోయే హెల్మెట్ కాస్తంత ఖరీదైనదే. అయితే, అంతే సురక్షితమైనది మరియు సౌకర్యమైనది కూడాను. హెల్మెట్‌ల అమ్మకాలలో ప్రముఖ బ్రాండ్ అయిన స్టీల్‌బర్డ్ దేశీయ మార్కెట్‌కు తొలిసారిగా 'కార్బన్ ఫైబర్ హెల్మట్‌'లను పరిచయం చేసింది. అసలు కార్బన్ ఫైబర్ అంటే ఏంటనే కదా మీ సందేహం. కార్బన్ దారాలను సేకరించి వాటిని సూపర్‌హీట్ చేస్తే ఏర్పడే ధృఢమైన పదార్థమే కార్బన్ ఫైబర్. ఇది చాలా తేలికగా ఉండి, అధిక ధృఢత్వంతో ఎక్కువ కాలం మన్నుతుంది.

అయితే, ప్రస్తుతం భారత్‌లో అందుబాటులో ఉన్న కార్బన్ ఫైబర్ హెల్మెట్లు కాస్తంత ఖర్చుతో కూడుకున్నవే. వీటిని విదేశాల నుంచి దిగుమతి చేసుకొని దేశీయ మార్కెట్లో విక్రయిస్తారు. కార్బన్ ఫైబర్ హెల్మెట్లపై అధిక దిగుమతి సుంఖం కారణంగా భారత్‌కు వచ్చే సరికి వీటి ధరలు అధికంగా ఉంటాయి. స్టీల్ బర్డ్ ఈ కార్బన్ ఫైబర్ హెల్మెట్‌ను రూ. 10,000/- ప్రారంభ ధరతో అందిస్తోంది. అంతేకాకుండా.. ఎస్‌బి 2020 అనే ఫ్లిప్-ఆఫ్ మోడల్ హెల్మెట్‌ను కూడా స్టీల్‌బర్డ్ విడుదల చేసింది.

ఈ మోడల్ ధర రూ. 2,999/-గా ఉంది. దేశవ్యాప్తంగా ఉన్న స్టీల్‌బర్డ్ అవుట్‌లెట్లలో ఈ రెండు మోడళ్లు లభ్యం కానున్నాయి. ఈ హెల్మెట్లలో ఉన్న మరో ప్రత్యేకత ఏంటంటే.. ఈ రెండింటిలో ఉన్న ఇంటీరియర్స్‌ పాడైపోయినప్పుడు మార్చుకోవచ్చు. ఈ రెండు హెల్మెట్లు కూడా ఎక్స్‌ట్రా స్మాల్ (XXS) సైజ్ నుంచి ఎక్స్‌ట్రా లార్జ్ (XXL) సైజ్‌ వరకూ లభ్యం అవుతాయి.