Click it and Unblock the Notifications
విదేశీ మార్కెట్లలో బజాజ్ను ముందుకు నడుపుతున్న పల్సర్
"మార్చి 2011తో ముగిసిన ఆర్థిక సంవత్సరంలో బజాజ్ ఆటో 12 లక్షలకు పైగా యూనిట్లను ఎగుమతి చేసింది. వచ్చే మూడు నాలుగేళ్లలో 20 లక్షల మార్కును తాకగలదని నేను భావిస్తున్నాన"ని బజాజ్ ఆటో లిమిటెడ్ చైర్మన్ రాహుల్ బజాజ్ కంపెనీ వార్షిక నివేదిక 2010-11లో వెల్లడించారు. 'గ్లోబలైజ్ ఇండియా' పేరిట తాము నిర్దేశించుకున్న లక్ష్యాలను అధిగమించడం సంస్థ చరిత్రలో మైలురాయని, ఇదే ప్రోత్సాహంతో ముందుకు సాగుతామని ఆయన అన్నారు.
గడచిన ఆర్థిక సంవత్సరంలో కంపెనీ విదేశీ ఎగుమతులు 35 శాతం వృద్ధిని సాధించి 12,03,718 యూనిట్లను విక్రయించింది. ఈ ఎగుమతుల ద్వారా రూ. 4,552 కోట్ల ఆదాయం వచ్చిందని, అంతకు ముందు ఇదే సంవత్సరంతో పోలిస్తే ఇది 28.5 శాతం అధికమని కంపెనీ పేర్కొంది. కాగా.. ఆఫ్రికా మార్కెట్ తమకు అత్యంత కీలకమైన, నైజీరియా, ఉగాండా, కెన్యా, అంగోలా తదితర మార్కెట్లలో కూడా అమ్మకాలు గణనీయంగా పెరుగుతున్నాయని వీటిలో ఎక్కువగా పల్సర్ రేంజ్ స్పోర్చ్స్ బైక్లే అధికంగా అమ్ముడవుతున్నాయని కంపెనీ పేర్కొంది.
Continue with Google