మూడవ త్రైమాసికంలో 40 శాతం పెరిగిన బజాజ్ నికరలాభం

Published: Friday, January 21, 2011, 8:16 [IST]

భారతదేశపు రెండవ అతిపెద్ద ద్విచక్ర వాహన తయారీ సంస్థ బజాజ్ ఆటో ఈ ఆర్థిక సంవత్సరం (ఏప్రిల్ 2010-మార్చి 2011) డిసెంబర్ 31, 2010తో ముగిసిన తృతీయ త్రైమాసికంలో ప్రోత్సాహకర ఆర్థిక ఫలితాలను ప్రకటించింది. ఈ త్రైమాసికంలో కంపెనీ 40.42 శాతం ఏకీకృత నికరలాభాన్ని ఆర్జించి రూ. 667 కోట్లకు ఎగబాకింది. అంతకు ముందు సంవత్సరం ఇదే సమయంలో కంపెనీ లాభాలు రూ. 475 కోట్లుగా ఉన్నాయి.

డిసెంబర్ 2010 త్రైమాసికంలో నికర అమ్మకాలు 4,028 కోట్లకు పెరిగి 27.26 శాతం వృద్ధిని సాధించాయి. డిసెంబర్ 2011లో నికర అమ్మకాలు రూ. 3,165 కోట్లుగా ఉన్నాయి. ఈ త్రైమాసికంలో అన్నిరకాల ముడిసరకుల ధరలు పెరిగినప్పటికీ.. ఈ పోటీతత్వ మార్కెట్లో హై-ఎండ్ మోటార్‌సైకిళ్లపై దృష్టిసారించామని, ఫలితంగా రికార్డుస్థాయిలో 20 శాతం అదనపు ఆదాయాలను ఆర్జించినట్లు కంపెనీ ఓ ప్రకటనలో పేర్కొంది. మొత్తం మోటార్‌సైకిల్ విక్రయాలలో హై-ఎండ్ మోటార్‌సైకిళ్లే 70 శాతం ఉన్నాయి.

Article Published On: Friday, January 21, 2011, 8:16 [IST]

More from DriveSpark