పరుగులు పెట్టిన బజాజ్ ఆటో క్యూ4 నికర లాభం

Published: Wednesday, May 18, 2011, 17:24 [IST]

దేశీయ రెండవ అతిపెద్ద ద్విచక్ర వాహన తయారీ సంస్థ బజాజ్ ఆటో నాలుగో త్రైమాసిక లాభాలు భారీగా వృద్ధి చెందాయి. మార్చి 31, 2011తో ముగిసిన గత ఆర్థిక సంవత్సరపు నాలుగో త్రైమాసికంలో కంపెనీ నికర లాభాలు గతేడాదితో పోలిస్తే ఏకంగా 165 శాతం వృద్ధి చెంది రూ. 528.6 కోట్లకు పెరిగాయి. ఈ త్రైమాసికంలో మొత్తం ఆదాయం 25 శాతం పెరిగి రూ. 4,300 కోట్లకు చేరుకుంది. గతేడాది ఇదే సమయంలో కంపెనీ మొత్తం ఆదాయం రూ. 3,442 కోట్లుగా ఉన్నట్లు కంపెనీ ఓ ప్రకటనలో పేర్కొంది.

ఇకపోతే.. మార్చి 31, 2011తో ముగిసిన పూర్తి ఆర్థిక సంవత్సరానికి గానూ కంపెనీ ఏకీకృత (కన్సాలిడేటెడ్) నికర లాభం అంతకు ముందు ఆర్థిక సంవత్సరంలో పోలిస్తే 116 శాతం పెరిగి రూ. 1,594.6 కోట్ల నుంచి రూ. 3,454.8 కోట్లకు పెరిగింది. అలాగే మొత్తం ఆదాయం 40.6 శాతం వృద్ధి చెంది రూ. 12,096.6 కోట్ల నుంచి రూ. 17,008 కోట్లకు పెరిగింది. ఇక మొత్తం విక్రయాల విషయానికి వస్తే.. 2010-11 ఆర్థిక సంవత్సరంలో బజాజ్ మొత్తం 38,23,954 యూనిట్లను విక్రయించింది 34.05 శాతం వృద్ధిని ప్రకటించింది. 2009-10 ఆర్థిక సంవత్సరంలో ఇవి కేవలం 28,52,580 యూనిట్లుగా మాత్రమే ఉన్నాయి.

Article Published On: Wednesday, May 18, 2011, 17:24 [IST]

English summary

Country's second largest two-wheeler maker Bajaj Auto reported a net profit of Rs 1,400 cr for the quarter ended March 31, 2011. This marks a 165% jump from the Rs 528.6 crore reported for the corresponding period a year ago.

More from DriveSpark