బాక్సర్‌లో అప్‌గ్రేడెడ్ వేరియంట్‌ను ప్రవేశపెట్టనున్న బజాజ్

Published: Saturday, March 26, 2011, 9:40 [IST]

మైలేజ్, పెర్ఫామెన్స్, దృఢత్వం ధర విషయాలలో ఒకప్పుడు బజాజ్ అందిస్తున్న మోటార్‌సైకిళ్లలో ది బెస్ట్‌గా ఉన్న "బజాజ్ బాక్సర్" త్వరలోనే భారత రోడ్లపై తిరిగి దర్శనమివ్వనుంది. వచ్చే జూన్ నాటికి అప్‌గ్రేడెడ్ బజాజ్ బాక్సర్ మోటార్‌సైకిల్ రూ. 44,700 ప్రైస్ ట్యాగ్‌తో మార్కెట్లోకి వచ్చే అవకాశాలున్నాయి. ఈ ఏడాది జనవరి నెలలో కూడా బాక్సర్ ఉత్పత్తిని, విక్రయాలను పునరుద్ధరించనున్నట్లు కంపెనీ ప్రకటించిన సంగతి తెలిసిందే. ద్విచక్ర వాహన కంపెనీలు చవక ధరలకే ప్రారంభ మోడల్ మోటార్‌సైకిళ్లను విక్రయిస్తుండటం, వీటికి డిమాండు కూడా ప్రోత్సాహకరంగా ఉండటంతో బాక్సర్‌ మోడల్‌ను పునఃప్రవేశపెట్టాలని భావిస్తున్నామని బజాజ్ ఆటో సీఈఓ ఎస్ శ్రీధర్ గతంలో వెల్లడించారు.

1997లో విడుదలైన బజాజ్ బాక్సర్ దాని ధృఢత్వం, అద్భుతమైన పెర్ఫామెన్స్‌ల కారణంగా అప్పటి మార్కెట్లో ఓ సంచలనం సృష్టించింది. కానీ.. 2007లో బజాజ్ ఆటో బాక్సర్ విక్రయాలను నిలిపివేసి, దాని స్థానంలో ప్లాటినా మోటార్‌సైకిల్‌ను ప్రవేశపెట్టిన సంగతి తెలిసిందే. కాగా.. కంపెనీ తాజాగా విడుదల చేయబోయే బాక్సర్‌ 4-స్ట్రోక్, సింగిల్ సిలిండర్, ఆయిల్ కూల్డ్, 125 సీసీ ఇంజన్‌తో లభించనున్నట్లు సమాచారం. ఇప్పటికే 125 సీసీ విభాగంలో పోటీపడుతున్న హీరో హోండా సూపర్ స్పెండర్, హోండా షైన్, యమహా వైబిఆర్ 125, సుజుకి స్లింగ్ షాట్ మోడళ్లకు బజాజ్ బాక్సర్ సమాధానం చెప్పగలదని కంపెనీ భావిస్తోంది.

Article Published On: Saturday, March 26, 2011, 9:40 [IST]

English summary

Bajaj Auto plans to relaunch its Boxer motorcycle very soon in domestic market to complete Hero Honda Super Splendor, Honda Shine, Yamaha YBR 125 and Suzuki Slingshot. The all new Bajaj Boxer comes with a 4-stroke, Single cylinder, Oil Cooled, 125cc engine at the price tag of Rs. 44,700.

More from DriveSpark