Click it and Unblock the Notifications
పోటీ హీరోతో కాదు హోండాతోనే..: బజాజ్ ఆటో
అమ్మకాల పరంగా దేశీయ రెండవ అతిపెద్ద ద్విచక్ర-వాహన కంపెనీ అయిన బజాజ్ ఆటో భారత మార్కెట్లో హోండా కంపెనీ పావులు కదపడానికి కంటే ముందుగానే చెక్ పెట్టాలని భావిస్తోంది. ప్రస్తుతం టెలివిజన్లలో వస్తున్న బజాజ్ పల్సర్ వాణిజ్య ప్రకటనను గమనించినట్లయితే, "భారత్లో ఏ జపనీస్ స్పోర్ట్స్ బైక్ కన్నా కూడా ఐదు రెట్లు ఎక్కువగా అమ్ముడవుతున్న బ్రాండ్ బజాజ్" అని కంపెనీ ప్రచారం చేస్తోంది. పల్సర్ బైక్ను ఈ ప్రకటన వినియోగదారులకు మరింత చేరువ చేస్తుంది. పటిష్టమై పోటీదారు (హోండా) తమను అటాక్ చేయకముందే, ఇక్కడ మరింత స్థిరత్వాన్ని పొందాలనుకుంటున్నామని బజాజ్ ఆటో మార్కెటింగ్ జిఎమ్ మిలింద్ బేడ్ తెలిపారు.
బజాజ్ టివి ప్రకటనలో జపనీయులు 'హుంతో'.. 'హుంతో'.. అని ఆశ్యర్యంగా అనటం చూస్తాం. జపాన్ భాషలో హుంతో అంటే నమ్మసఖ్యంకాని అని అర్థం, ఎందుకంటే.. భారత్లో ఏ ఇతర జపాన్ కంపెనీ విక్రయాలు చూసిన వాటికి ఐదు రెట్లుగా బజాజ్ విక్రయాలు ఉన్నట్లు కంపెనీ చెప్పుకుంటుంది. ఈ విషయంపై మార్కెట్ నిపుణులు కూడా ఇదే భావాన్ని వ్యక్తం చేస్తున్నారు. బజాజ్కు హీరో నుంచి ముప్పు ఉండబోదని కానీ ఖచ్చితంగా హోండా నుండి ఉంటుందని వారు చెబుతున్నారు. ఏదేమైనప్పటికీ.. బజాజ్ ఆటో దేశీయ మార్కెట్లో లీడర్గా ఎదగాలంటే, తమ దృష్టిని ఎక్కువగా విదేశీ మార్కెట్లపైనే కాకుండా కొంచెం స్వదేశీ మార్కెట్పై కూడా ఉంచి మరిన్ని కొత్త మోడళ్లతో వినియోగదారులను ఆకర్షించుకోవాల్సిన అవసరం ఎంతైనా ఉందని చెప్పవచ్చు.
Continue with Google