మరోసారి పరుగులు పెట్టనున్న బైక్‌ల ధరలు

Published: Saturday, May 7, 2011, 11:14 [IST]

బైక్‌ల ధరలు మరోసారి పెరగనున్నాయి. బైక్‌ల తయారీ కీలక ముడిసరుకులైన ఉక్కు, రబ్బరు ధరలు ఆకాశానంటుతుండటంతో ఆ భారాన్ని తాము మోయలేమంటూ ఆటోమొబైల్ కంపెనీలు చేతులెత్తేస్తున్నాయి. దీంతో ఈ భారాన్ని వినియోగదారులపై మోపేందుకు ఆటో కంపెనీలు సిద్ధమయ్యాయి. టివిఎస్‌, బజాజ్‌ ఆటో సంస్థలు తమ ఉత్పత్తుల ధరలు పెంచాలని నిర్ణయించాయి. బైక్‌ల ధరలను 1.5 నుంచి 2 శాతం మేర పెంచనున్నామని టివిఎస్‌ అధ్యక్షుడు హెచ్‌ఎస్‌ గోయిండి వివరించారు. కంపెనీ అందిస్తున్న ద్వి-చక్ర, త్రి-చక్ర వాహనాల ధరలను స్వల్పంగా పెంచనున్నామని, జూన్‌లోగా ఈ ధరల పెంపు ఉంటుందని ఆయన తెలిపారు.

టీవీఎస్ బాటలోనే దేశీయ రెండవ అతిపెద్ద ద్విచక్ర వాహన తయారీ సంస్థ బజాజ్ ఆటో కూడా అడుగులు వేస్తుంది. అయిదే దేశీయ అగ్రగామి ద్విచక్రవాహన సంస్థ హీరో హోండా మాత్రం వేచి చూద్దాం అనే ధోరణితో వ్యవహరిస్తోంది. దీనిపై హీరో హోండా సీనియర్ వైస్ ప్రెసిడెంట్ అనిల్ దువా స్పందిస్తూ.. ఇప్పటికిప్పుడు ధరల పెంపు ఉండదని, బైక్‌ల తయారీకి వాడే విడిభాగాల ధరలు భారమవుతున్నందున కంపెనీ నష్టాలను తగ్గించేందుకు అన్ని మార్గాలనూ అన్వేషిస్తామని అన్నారు. ఈ ఏడాది ఏప్రిల్ నెలలో కూడా కొన్ని ఆటో కంపెనీలు తమ ఉత్పత్తుల ధరలను పెంచిన సంగతి తెలిసిందే.

Article Published On: Saturday, May 7, 2011, 11:14 [IST]

English summary

Rising prices of key commodities like steel and rubber have led to two wheeler companies going for price mark-ups . Both TVS Motor and Bajaj Auto have opted for price hikes in the past couple of weeks and market leader Hero Honda is in a wait-and-watch mode.

More from DriveSpark