ఫ్లయింగ్ బైక్ కాన్సెప్ట్‌ను డిజైన్ చేసిన ఫిల్ పౌలే

Published: Friday, June 17, 2011, 17:04 [IST]

బైక్‌పై రోడ్డు మీద రయ్.. రయ్.. మని వెళుతూ ఉన్నట్టుండి టేకాఫ్ అవుతున్న విమానంలా మన బైక్ కూడా గాల్లోకి ఎగిరితే ఎంత బావుంటుందో కదా...! గంటలు గంటలు స్థంభించిపోయే ట్రాఫిక్ జామ్‌లో చిరాకు పడేకన్నా.. ఎంచక్కా ట్రాఫిక్ లేనప్పుడు రోడ్డుపై, ట్రాఫిక్ ఉన్నప్పుడు గాల్లో ప్రయాణిస్తే ఎలా ఉంటుంది. ఇవన్నీ సినిమాల్లోనే సాధ్యం అంటారా..! నిజమే.. మనిషి ఊహలకు అంతే ఉండదు. అలాంటి ఊహ నుంచి పుట్టుకొచ్చినదే ఈ ఫ్లయింగ్ బైక్ కాన్సెప్ట్. లండన్‌కు చెందిన ఫిల్ పౌలే అనే ఓ ఔత్సాహిక డిజైనర్ తన ఊహలను కంప్యూటర్‌పై పెట్టగా వచ్చిన ఫలితమే ఈ 'బుల్లెట్' ఫ్లయింగ్ సూపర్‌బైక్.

జెట్ ఇంజన్, డబుల్ డిస్క్ బ్రేక్స్, విమాన ఆకారంలో ఉండే ఫ్రంట్ అండ్ బ్యాక్ డిజైన్, నాలుగు రెక్కలు, బైక్ వెనుక భాగంలో ఓ చిన్న ఫ్యాన్ ఇవన్నీ కలిపి, చూడటానికి ఇదొక చిన్నసైజు టాప్‌లెస్, సింగిల్ చార్టెడ్ ఫ్లైట్‌లా కనిపిస్తుంది. ఈ బైక్‌ ముందు భాగం మొత్తం జెట్ ఇంజన్ డామినేట్ చేస్తుంది. బైక్‌కు ఉండే రెక్కల్లో అధనంగా ఇంధనాన్ని స్టోర్ చేసుకోవచ్చు. ఇది గంటకు 300 మైళ్ల (480 కిలోమీటర్ల) వేగంతో ప్రయాణించగలదని ఫిల్ చెబుతున్నాడు. మరి పౌలే ఊహలు కంప్యూటర్‌పై నుంచి రోడ్డపైకి రావాలంటే ఈ ప్రాజెక్టు ప్రాణం పోసేందుకు ఏ ఆటోమొబైల్ కంపెనీ ముందుకు వస్తుందో వేచి చూడాలి. ఏదైతేనే ఫిల్ కాన్సెప్ట్ సూపరో సూపరు..! మరి మీరేమంటారు..!?

Article Published On: Friday, June 17, 2011, 17:04 [IST]

English summary

Phil Pauley, a London based designer has come up with a revolutionary super bike design. This bike is unique not only due to the fact that its powered by a jet engine but also due to the fact that it can literally fly. This flying bike has been named as the Bullet by Phil Pauley.

More from DriveSpark