కారు లోపలి వాతావరణాన్ని చల్లబరిచే సోలార్ కూలర్

Published: Wednesday, March 9, 2011, 15:14 [IST]

వాహన చోదకులు ఎదుర్కుంటున్న సమస్యలో పార్కింగ్ సమస్య కూడా ఒకటి. కొన్నిసార్లు పార్కింగ్ స్థలం లేకపోవడవల్లనో లేదా అవుట్‌డోర్ పార్కింగ్‌ల కారణంగా వాహనాలను ఎండలో పార్క్ చేయాల్సి వస్తుంది. ఇలాంటి సందర్భాల్లో వాహనాలను ఎండలో పార్క్ చేయడం వల్ల కారు లోపలి భాగమంతా అగ్ని గుండంలా మారిపోయి వేడిగా తయారవుతుంది. పైగా ముందున్నది వేసవి కాలం కావడంతో ఈ సమస్య మరింత ఇబ్బంది కలిగించే ఆస్కారం ఉంది. కారులో ఏసి ఉన్నపట్టికీ ఇంతటి వేడి వాతావరణాన్ని చల్లబరచాలంటే కాస్తంత ఎక్కువ సమయమే పడుతుంది. మరి పెట్రోల్, బ్యాటరీను వాడకుండా... సూర్యరశ్మితో కారును చల్లబరిస్తే ఎలా వుంటుంది...?

సూర్యరశ్మి వల్లే కారు వేడెక్కుతుంది, మరి అదే సూర్యరశ్మితో కారును చల్లబరచడం ఎలా అనుకుంటున్నారా..? ప్రత్యామ్నాయ ఇంధనాలలో సౌరశక్తి (సోలార్ ఎనర్జీ) కూడా ఒకటని మనకు తెలుసు. ప్రకృతి సిద్ధంగా లభించే సూర్యరశ్మిని విద్యుత్‌గా మార్చుకొని పనిచేసే ఓ ఆటోమేటిక్ "సోలార్ పవర్ ఆటో కూలర్‌"ని కార్లో అమర్చుకుంటే.. భగ్గున మండే ఎండల్లో కూడా కారు లోపలి వాతావరణం చల్లగా ఉంచుకోవచ్చు. కారు అద్దానికి (ముందు భాగాన కానీ, వెనుక భాగాన కానీ) దీనిని అమర్చుకోవచ్చు. దీనిని బిగించండం కూడా చాలా సులువు. అంతేకాకుండా.. అవసరం లేదనుకున్నప్పుడు ఈ పరికరాన్ని సులువుగా తీసేయవచ్చు.

ఈ పరికరానికి వెనుక భాగాన సోలార్ ప్లేట్, ముందు భాగాన కూలింగ్ ఫ్యాన్‌లు ఉంటాయి. కారు అద్దంపై పడిన సూర్యర్శిని సోలార్ ప్లేట్ సంగ్రహించడం వల్ల ఏర్పడే సౌరశక్తితో లోపల ఉండే కూలింగ్ ఫ్యాన్ తిరగడం ప్రారంభించి కారు లోపలి వాతావరణాన్ని చల్లబరుస్తుంది.

Article Published On: Wednesday, March 9, 2011, 15:14 [IST]

English summary

In the view of coming summer here is a coolest gadget for your vehicle. The Solar Power Auto Cooler, which runs with solar energy will make your car cool in hot summer. This equipment can be fixed easily and can remove too.

More from DriveSpark