ఫోక్స్‌వ్యాగన్ పోలో కోసం ఆడి స్టైల్ హెడ్‌లైట్స్..!

ఫోక్స్‌వ్యాగన్ ఇటీవలే డే టైమ్ రన్నింగ్ ఎల్ఈడి లైట్లతో కూడిన పోలో కారును ఆస్ట్రియాలో విడుదల చేసింది. ఈ మోడల్‌కు ఎల్ఈడి లైట్లను అమర్చడంతో మరింత ఆకర్షనీయంగా తయారైంది. దీంతో చాలా మంది తమ పోలో కార్లకు కూడా ఎల్ఈడి లైట్లను అమర్చుకోవాలనే ఆసక్తిని వ్యక్తం చేస్తుండటంతో యూరప్‌కు చెందిన విడిభాగాల సంస్థ డిక్టేనే ఈ లైట్లను ఆవిష్కరించింది.

ప్రత్యేకించి ఫోక్స్‌వ్యాగన్ పోలో హ్యాచ్‌బ్యాక్ కోసం తయారు చేసిన ఈ ఎల్ఈడి లైట్లను కంపెనీ అధికారిక వెబ్‌సైట్ నుండి కొనుగోలు చేయవచ్చు. వీటి ధర 249 యూరోలు. అంటే మన దేశ కరెన్సీలో సుమారు రూ.17,000. దీనికి పన్నులు, షిప్పింగ్ కాస్ట్ అధనం. మరి మీ పోలో కారుకు కూడా ఆడి కారు లుక్ ఇవ్వాలనుకుంటున్నారా..? అయితే, వెంటనే డెక్టేన్ సైట్‌లోకి లాగిన్ అయి మీ ఆర్డర్‌ను బుక్‌చేసుకోండి.