2012 స్ట్రీట్‌ఫైటర్ 848ను విడుదల చేయనున్న డ్యుకాటి

డ్యుకాటి స్ట్రీట్‌ఫైటర్ 848 సూపర్‌బైక్‌ను గడచిన మూడేళ్ల క్రితం మార్కెట్లోకి తీసుకువచ్చింది. కాగా.. ప్రస్తుతం తాజాగా మార్కెట్లోకి రానున్న స్ట్రీట్‌ఫైటర్ 2012 మోడల్‌. డ్యుకాటి ఫేమస్ కలర్ స్కీమ్‌లైన రెడ్, యల్లో, మెట్ బ్లాక్ రంగులలో ఇది లభ్యం కానుంది. 2012 మోడల్ డ్యుకాటి స్ట్రీట్‌ఫైటర్ 848 సూపర్‌బైక్‌లో కొత్తగా సిక్స్-స్పీడ్ గేర్‌బాక్స్‌ను పరిచయం చేశారు. ఈ కొత్త బైక్‌ను భారత రోడ్లపై చూడాలంటే డిసెంబర్ వరకూ ఆగాల్సిందే మరి.

ఇదిలా ఉండగా.. "డ్యుకాటి మోన్‌స్టర్ 795" అనే మరో సరికొత్త సూపర్‌బైక్‌‌ను భారతీయ డ్యుకాటి అభిమానులకు పరిచయం చేయాలని కంపెనీ యోచిస్తోంది. డ్యుకాటి మోన్‌స్టర్ 795 ఇప్పటికే మలేషియా, థాయ్‌లాండ్ మార్కెట్లలో విడుదలై విజయవంతంగా ముందుకు సాగిపోతుంది. సరికొత్త లుక్, ఆకర్షనీయమైన డిజైన్, శక్తివంతమైన ఇంజన్‌లతో ఇది లభ్యం కానుంది.