హీరో హోండాలో హోండా బోర్డ్ ఆఫ్ డైరెక్టర్ల రాజీనామా

Published: Saturday, April 2, 2011, 11:27 [IST]

దేశీయ అతిపెద్ద ద్విచక్ర వాహన సంస్థ హీరో హోండా రెండు కంపెనీలుగా విడిపోవడానికి సమయం సమీపిస్తోంది. భారత్-జపాన్ కంపెనీల కలయికతో ఏర్పడిన హీరో హోండా జాయింట్ వెంచర్‌లో హోండా తరఫున వివిద స్థాయిల్లో పనిచేస్తున్న అధికారులు తమ తమ ఉద్యోగాలకు రాజీనామాలు చేశారు. హీరో హోండా బోర్డులో హోండా తరఫున ఉన్న తొషియాకి నకాగవా, సుమిహిసా ఫుకుడాలు రాజీనామా చేసినట్టు కంపెనీ ఓ ప్రకటనలో పేర్కొంది.

తమ సంస్థలో తొషియాకి నకాగవా, జాయింట్‌ మేనేజింగ్‌ డైరెక్టర్‌గానూ, సుమిహిసా టెక్నికల్‌ డైరెక్టర్‌గాను విధులు నిర్వహిస్తున్న హోండా అధికారులు బోర్డ్ ఆఫ్ డైరక్టర్లుగా రాజీనామాలు చేశారని, వీరి రాజీనామా మార్చి 22, 2011 నుంచి అమలులోకి వస్తుందని, వీరి రాజీనామాలను కంపెనీ బోర్డ్ ఆఫ్ డైరెక్టర్లు కూడా ఆమోదించడం జరిగిందని హీరో హోండా పేర్కొంది. కాగా.. బిఎమ్ ముంజాల్‌ కుటుంబం ప్రమోట్ చేసిన హీరో గ్రూప్‌, హీరో హోండాలో ఉన్న 26 శాతం హోండా వాటాలను రూ. 3,650 కోట్లతో కొనుగోలు చేసిన సంగతి తెలిసిందే.

Article Published On: Saturday, April 2, 2011, 11:27 [IST]

English summary

The country's largest two-wheeler maker, Hero Honda, on Friday said that its Japanese promoter Honda's two representatives on its board, Toshiaki Nakagawa and Sumihisa Fukuda, have resigned, a step towards the final break-up of the joint venture.

More from DriveSpark