ఫ్యాట్ బాయ్ స్పెషల్‌ను విడుదల చేసిన హ్యార్లీ డేవిడ్‌సన్

Published: Thursday, August 4, 2011, 17:46 [IST]

అమెరికాకు చెందిన కల్ట్ బైక్‌ల తయారీ సంస్థ హ్యార్లీ డేవిడ్‌సన్ మరో కొత్త క్రూయిజ్ మోటార్‌సైకిల్‍ను దేశీయ మార్కెట్లోకి విడుదల చేసింది. గ్లోబల్ మార్కెట్లో హ్యార్లీ డేవిడ్‌సన్ అందిస్తున్న పాపులర్ మోటార్‌సైకిల్ 'ఫ్యాట్ బాయ్ స్పెషల్'ను కంపెనీ భారత్‌లోకి విడుదల చేసింది. పూర్తిగా అమెరికాలో తయారైన ఈ మోడల్‌ను సిబియూ (కంప్లీట్లీ బిల్ట్ యూనిట్)గా ఇండియాకు దిగుమతి చేసుకుని ఇక్కడి మార్కెట్లో విక్రయించడం జరుగుతుంది. భారత మార్కెట్లోకి ఫ్యాట్ బాయ్ స్పెషల్ రాకతో దేశీయ మార్కెట్లో హ్యార్లీ డేవిడ్‌సన్ అందిస్తున్న మొత్తం మోడళ్ల సంఖ్య 15కు పెరిగింది.

దేశవ్యాప్తంగా ఉన్న అన్ని హ్యార్లీ డేవిడ్‌సన్ షోరూమ్‌లలో ఫ్యాట్ బాయ్ స్పెషల్ మోటార్‌సైకిల్ లభ్యం కానుంది. ఇప్పటికే ఐసిఐసిఐ బ్యాంక్‌తో భాగస్వామ్యాన్ని కలిగి ఉన్న హ్యార్లీ డేవిడ్‌సన్ తాజాగా.. కన్జ్యూమర్ ఫైనాన్సింగ్, డీలర్ ఫైనాన్సింగ్, బ్యాంకింగ్ సేవల కోసం హెచ్‌డిఎఫ్‌సి బ్యాంకు‌తో కూడా చేతులు కలిపింది. ఈ ఒప్పందం ద్వారా హ్యార్లీ డేవిడ్‌సన్ మోటార్‌సైకిళ్లను సొంతం చేసుకోవాలనే ఎంతో మంది బైక్ ప్రియుల కలను నిజం చేసినట్లు అవుతుందని హ్యార్లీ డేవిడ్‌సన్ ఇండియా మేనేజింగ్ డైరెక్టర్ అనూప్ ప్రకాష్ తెలిపారు. దేశీయ మార్కెట్లో ఫ్యాట్ బాయ్ స్పెషల్ మోటార్‌సైకిల్ ధర రూ. 19.7 లక్షలు (ఎక్స్-షోరూమ్ ఢిల్లీ)గా ఉంది.

Article Published On: Thursday, August 4, 2011, 16:23 [IST]

English summary

American motorcycle specialist today launched the Fat Boy Special cruise bike in New Delhi. Priced at a whopping Rs19.7 lakh (ex-showroom New Delhi) this new motorcycle will be imported as a completely built unit (CBU) from the USA.

More from DriveSpark