50 లక్షల మార్కు దాటిన హీరో హోండా విక్రయాలు

Published: Saturday, April 2, 2011, 17:10 [IST]

ప్రపంచపు అతిపెద్ద ద్విచక్ర వాహన తయారీ సంస్థ హీరో హోండా మోటార్స్‌ లిమిటెడ్‌ (హెచ్‌హెచ్‌ఎమ్ఎల్‌) ఈ ఆర్థిక సంవత్సరం (ఏప్రిల్ 2010 - మార్చి 2011)లో అసాధారణ ఆర్థిక ఫలితాలను నమోదుచేసినట్లు ప్రకటించింది. 2010-11 ఆర్థిక సంవత్సరంలో కంపెనీ 54 లక్షల ద్విచక్ర వాహనాలు విక్రయించడమే కాకుండా... ఈ ఏడాది మార్చి నెలలో కూడా అత్యధిక వాహనాలను విక్రయించి సరికొత్త రికార్డు నమోదు చేసుకుంది. 2010-11లో కంపెనీ విక్రయాలలో 17 శాతం వృద్ధిని సాధించి మొత్తం 54,02,444 యూనిట్లను విక్రయించినట్లు ఓ ప్రకటనలో పేర్కొంది.

ఒక్క మార్చి నెలలోనే కంపెనీ 5 లక్షలకు పైగా ద్విచక్ర వాహనాలను విక్రయించింది. అలాగే ఈ ఏడాదిలో ఏడు కొత్త మోడళ్లను మార్కెట్లోకి ప్రవేశపెట్టింది. దేశీయ స్కూటర్‌ మార్కెట్‌లో తన పరిమితి పెంచుకున్నామని, అలాగే హాకీ, క్రికెట్‌ తదితర క్రీడలకు, కామన్వెల్త్‌ గేమ్స్‌కు తన సౌజన్యాన్ని కొనసాగించామని హీరో హోండా మేనేజింగ్‌ డైరక్టర్‌, చీఫ్‌ ఎగ్జిక్యూటివ్‌ ఆఫీసర్‌ పవన్‌ ముంజాల్‌ తెలిపారు. ఈ ఏడాదిలో ఎకనామిక్‌ టైమ్స్‌ జిగ్‌వీల్స్‌ కార్‌ & బైక్‌ అవార్డ్స్‌ విభాగంలో 'బైక్‌ మాన్యుఫాక్చరర్‌ ఆఫ్‌ ది ఇయర్‌' అవార్డును కూడా సొంతం చేసుకున్నామని ఆయన తెలిపారు.

Article Published On: Saturday, April 2, 2011, 17:10 [IST]

English summary

Country's largest two-wheeler maker Hero Honda Motors Ltd reported 5-million-plus sales in a fiscal year for the first time.The company sold 54,02,444 units of two-wheelers during the year, translating into a growth of more than 17 percent.

More from DriveSpark