నాలుగో ప్లాంటు వివరాలను వెల్లడించనున్న హీరో హోండా

Published: Wednesday, June 29, 2011, 14:47 [IST]

దేశీయ అగ్రగామి ద్విచక్ర వాహన తయారీ సంస్థ హీరో హోండా తమ ప్లాంటు ఏర్పాటుకు సంబంధించిన వివరాలను త్వరలోనే వెల్లడించనుంది. రానున్న కొద్ది వారాల్లోనే కంపెనీ ప్రతిపాదించిన నాలుగో ప్లాంటును ఏ రాష్ట్రంలో ఏర్పాటు చేయబోయేది, ఎంత మొత్తంలో పెట్టుబడులను వెచ్చించనున్నది తదితర వివరాలను ప్రకటించనున్నట్లు హీరో హోండా తెలిపింది. నాలుగో ప్లాంటు ఏర్పాటు కోసం హీరో హోండా ఇప్పటికే గుజరాత్ మరియు బెంగుళూరు రాష్ట్రాలను పరిశీలిస్తోంది.

"2012-13 నాటికి ఖచ్చితంగా మాకు నాలుగో ప్లాంటు కావాలి. వచ్చే కొద్ది వారాల్లో నెలల్లో నాలుగో ప్లాంటు గురించి మాట్లాడుతాం" అని హీరో హోండా మోటార్స్ లిమిటెడ్ సీనియర్ వైస్-ప్రెసిడెంట్ (మార్కెటింగ్ అండ్ సేల్స్) అనిల్ దువా చెప్పారు. ఉత్పత్తి సామర్థ్యం, పెట్టుబడి వంటి విషయాలను మాత్రం ఆయన వెల్లడించలేదు. తుది నిర్ణయం తీసుకున్న తర్వాత అన్ని వివరాలు వెల్లడిస్తామని, ప్రస్తుతం ఈ విషయంలో తాము తుది దశలో ఉన్నామని దువా తెలిపారు.

ప్రస్తుత ఆర్థిక సంవత్సరానికి గానూ రూ. 800 కోట్ల క్యాపెక్స్ (నిధుల)ను కేటాయిస్తున్నామని, ఈ మొత్తం మెజారిటీ నిధులను నాలుగో ప్లాంటు ఏర్పాటు కోసం ఉపయోగిస్తామని ఈ ఏడాది ఏప్రిల్ నెలలో కంపెనీ ఓ ప్రకటన చేసిన సంగతి తెలిసిందే. జపాన్ భాగస్వామి హోండా మోటార్స్ నుంచి విడిపోయిన తర్వాత మార్కెట్లో తన స్థిరత్వాన్ని నింపుకునేందుకు కంపెనీ భారీ కసరత్తులు చేస్తుంది. అందులో భాగంగానే ఉత్పత్తి సామర్థ్యం పెంపుపై కంపెనీ దృష్టి సారించింది.

Article Published On: Wednesday, June 29, 2011, 14:47 [IST]

English summary

India's largest two- wheeler maker Hero Honda said it will announce the location and investment details for its proposed fourth plant within the next few weeks.

More from DriveSpark