నిధుల కోసం వాటాలను తాకట్టు పెట్టిన 'హీరో హోండా'

మార్చి 7న బాంబే స్టాక్ ఎక్సేంజ్ ముగింపు ధర ప్రకారం.. ఈ తాకట్టు పెట్టిన వాటాల విలువ దాదాపు రూ. 200 కోట్లు. ఈ లావాదేవీతో హీరో హోండా కంపెనీలో ఐఎల్&ఎఫ్ఎస్ ట్రస్ట్ కంపెనీ వాటా 5.32 శాతం నుండి 5.98 శాతానికి పెరిగింది. ఈ ఏడాది తొలి వారంలో హీరో హోండా కంపెనీ 5.32 శాతం వాటాను ఐఎల్&ఎఫ్ఎస్ ట్రస్ట్ కంపెనీ విక్రయించడం ద్వారా దాదాపు రూ. 1,585 కోట్ల నిధులను సమీకరించిన సంగతి తెలిసిందే.

అంతే కాకుండా మార్చిన 9న యాక్సిస్ ట్రస్టీ సర్వీసెస్ లిమిటెడ్‌కు షేర్ల బదిలీ ద్వారా హెచ్ఐపిఎల్ రూ. 900 కోట్ల నిధులను కూడా సమీకరించింది. హీరో హోండా షేర్‌హోల్డర్లలో హెచ్ఐపిఎల్ ఒక ప్రధానమైన షేర్‌హోల్డర్, డిసెంబర్ 31, 2010 నాటికి హీరో హోండాలో హెచ్ఐపిఎల్‌ 17.33 శాతం వాటాను కలిగి ఉంది. హీరో హోండా జాయింట్ వెంచర్‌లో ఉన్న 26 శాతం హోండా వాటాను రూ. 3,841.83 కోట్లకు కొనుగోలు చేసేందుకు బిఎమ్ ముంజాల్‌కు చెందిన హీరో గ్రూప్ నిధులను సమీకరిస్తున్న సంగతి తెలసిందే.