16 శాతం పడిపోయిన హీరో హోండా క్యూ4 లాభాలు

Published: Wednesday, May 4, 2011, 17:37 [IST]

దేశీయ అతిపెద్ద ద్విచక్ర వాహన తయారీ సంస్థ హీరో హోండా నాలుగో త్రైమాసిక లాభాలు 16 శాతం పడిపోయినట్లు కంపెనీ ఓ ప్రకటనలో పేర్కొంది. 2010-11 ఆర్థిక సంవత్సరానికి గానూ మార్చి 31, 2011తో ముగిసిన నాలుగో త్రైమాసికంలో కంపెనీ నికర లాభం 16.23 శాతం క్షీణించి రూ. 501.61 కోట్లకు పడిపోయింది. అంతకుముందు సంవత్సరం ఇదే సమయంలో కంపెనీ నికర లాభాలు రూ. 593.81 కోట్లుగా ఉన్నట్లు హీరో హోండా వెల్లడించింది. ఈ త్రైమాసికంలో నిర్వహణ ద్వారా వచ్చిన కంపెనీ ఆదాయం మాత్రం 30.77 శాతం వృద్ధి చెంది గతేడాదితో పోలిస్తే రూ. 4,122.32 కోట్ల నుంచి రూ. 5,390.93 కోట్లకు పెరిగింది.

జనవరి - మార్చి 2011 కాలంలో కంపెనీ మొత్తం ద్విచక్ర వాహన విక్రయాలు 22.58 శాతం వృద్ధిని సాధించి 11,86,536 యూనిట్ల నుంచి 14,54,431 యూనిట్లకు పెరిగాయి. కాగా.. 2010-11 పూర్తి ఆర్థిక సవంత్సరానికి గానూ కంపెనీ నికర లాభం 13.62 శాతానికి తగ్గి రూ. 2,231.83 కోట్ల నుంచి రూ. 1,927.90 కోట్లకు పడిపోయింది. గత ఆర్థిక సంవత్సరంలో నిర్వహణ ఆదాయం 22.32 శాతం పెరిగి రూ. 15,860.51 కోట్ల నుంచి రూ. 19,401.15 కోట్లకు పెరిగింది. అలాగే మొత్తం కంపెనీ విక్రయాలు 17.44 శాతం వృద్ధితో 46,00,130 యూనిట్ల నుంచి 54,02,444 యూనిట్లకు పెరిగాయి.

Article Published On: Wednesday, May 4, 2011, 17:37 [IST]

English summary

The country's largest two-wheeler maker Hero Honda today reported a 16.23% decline in its net profit for the quarter ended March 31, 2011, to Rs 501.61 crore. The company had posted a net profit of Rs 598.81 crore in the corresponding quarter of 2009-10, Hero Honda said in a statement.

More from DriveSpark