మునుపెన్నడూ లేనివిధంగా త్రైమాసిక అమ్మకాలు

Published: Thursday, July 21, 2011, 15:07 [IST]

ప్రపంచపు నెంబర్ వన్ ద్విచక్ర వాహన తయారీ సంస్థ హీరో హోండా మోటార్స్ లిమిటెడ్ (హెచ్‌హెచ్ఎమ్ఎల్) కంపెనీ చరిత్రలో ఎన్నడూ లేని విధంగా ప్రస్తుత ఆర్థిక సంవత్సరంలో తొలి త్రైమాసిక ఫలితాలను నమోదు చేసుకుంది. ఈ ఏడాది ఏప్రిల్-జూన్ 2011 కాలానికి గానూ సంస్థ పన్ను అనంతర ఆదాయం (పిఏటి) రూ. 557.89 కోట్లుగా నమోదైంది. ఇదే సమయంలో సంస్థ రెవెన్యూ (నికర అమ్మకాలు మరియు ఇతర నిర్వాహక ఆదాయం) రూ. 5683.33 కోట్లుగా నమోదైనట్లు కంపెనీ ఓ ప్రకటనలో పేర్కొంది.

ఈ త్రైమాసికంలో మొత్తం అమ్మకాలు 15,29,577 యూనిట్లుగా ఉండి, గతేడాది ఇదే త్రైమాసికంతో పోలిస్తే ఇది 24 శాతం ఎక్కువ. అంతేకాకుండా.. కంపెనీ తన చరిత్రలో ఏ త్రైమాసికంలోనూ ఇంత భారీ స్థాయిలో విక్రయాలను నమోదు చేసుకోలేదు. ఈ త్రైమాసికంలోనూ ప్రతి నెలలోనూ కంపెనీ ఐదు లక్షలకు పైగా ద్విచక్ర వాహనాలను విక్రయించడం విశేషం. ఈ త్రైమాసికంలో హీరో హోండా గ్లామర్, గ్లామర్ ఎఫ్1, కరిజ్మా, కరిజ్మా జెడ్ఎమ్ఆర్ మోడళ్లను అప్‌గ్రేడ్ చేసి మార్కెట్లోకి విడుదల చేసింది.

Article Published On: Thursday, July 21, 2011, 15:06 [IST]

English summary

World's No.1 two-wheeler manufacturer Hero Honda Motors Limited (HHML) continued its growth run in the Q1 of FY12. Today company posted its net profit for the first quarter ended June, 2011 at Rs 558 crore and net sales for this quarter were reported at Rs 5,638 crore.

More from DriveSpark