హీరో ఇంపల్స్ వెబ్‌సైట్‌ను లాంచ్ చేసిన హీరో మోటోకార్ప్

ఈ వెబ్ పేజీని రెండు భాగాలుగా చేసి ఓ వైపు, సిటీ రైడింగ్, మరో వైపు ఆఫ్-రోడ్ అడ్వెంచర్ రైడింగ్‌ను ప్రతిబింబించేలా ఈ వెబ్‌సైట్‌ను తీర్చిదిద్దింది. గడచిన ఆగస్టు నెలలో హీరో మోటోకార్ప్ లండన్‌లో తమ కొత్త బ్రాండ్ లోగో ఆవిష్కరణ సందర్భంగా హీరో ఇంపల్స్ మోటార్‌సైకిల్‌ను ఆవిష్కరించింది.

గత నెలలో (అక్టోబర్ 18)న వాణిజ్యపరంగా హీరో ఇంపల్స్ బైక్‌ను కంపెనీ అందుబాటులోకి తీసుకువచ్చింది. దీని ధర రూ.66,800 (ఎక్స్ షోరూమ్, ఢిల్లీ)గా ఉంది. హీరో ఇంపల్స్ మోటార్‌సైకిల్ 150 సీసీ సింగిల్ సిలిండర్ ఫోర్ స్ట్రోక్ ఇంజన్‌ను కలిగి ఉంటుంది. ఇది 13.8 బిహెచ్‌పిల శక్తిని, 13.6 ఎన్‌ఎమ్‌ల టార్క్‌ను విడుదల చేస్తుంది.