విదేశీ మార్కెట్లలో తొలి అడుగులు వేస్తున్న 'హీరో మోటార్స్'

Published: Wednesday, July 6, 2011, 16:14 [IST]

జపాన్ భాగస్వామి నుంచి విడిపోయిన తర్వాత ఒంటరి పోరాటం సాగిస్తున్న హీరో మోటార్స్ తొలిసారిగా ఎగుమతుల సామర్థ్యం గురించి ఓ ప్రణాళికను సిద్ధం చేస్తోంది. ఇందులో భాగంగా సౌత-ఈస్ట్ ఏషియా, ఆఫ్రికా, లాటిన్ అమెరికా దేశాలలో అడుగుపెట్టేందుకు హీరో మోటార్స్ పరిశీలిస్తోంది. ముంజాల్ గ్రూప్‌లో ఓ భాగమైన హీరో మోటార్స్‌‌కు ఇది తొలి అంతర్జాతీయ ఒంటరి ప్రయాణమనే చెప్పాలి. ఇప్పటి వరకూ జపాన్‌కు చెందిన హోండా మోటార్స్ కంపెనీ, తనకున్న విదేశీ మార్కెట్లలో హీరో ఉత్పత్తులను ప్రమోట్ చేస్తూ వచ్చింది. అయితే, ఇప్పుడు భాగస్వామే పోటీదారుడుగా మారడంతో పోటీని ఎదుర్కునేందుకు హీరో మోటార్స్‌ భారీ కసరత్తులు చేస్తుంది.

హీరో మోటార్స్ పరిశీలిస్తున్న పై మూడు మార్కెట్లు కూడా అత్యంత పటిష్టమైన వృద్ధితో ఎదుగుతున్నాయి. తక్కువ ధరకే ద్విచక్ర వాహనాలు ఉత్పత్తి చేయడంలో ఉన్న తనకున్న అనుభవాన్ని హీరో మోటార్స్ ఈ మార్కెట్లో కూడా ఉపయోగించాలని భావిస్తోంది. ఈ మూడు ఎగుమతుల మార్కెట్లు అధిక పరిమాణాన్ని మరియు అధిక సంఖ్యలో ప్రయాణికులను కలిగి ఉన్నవని, ఇక్కడ తాము సులువుగా విజయం సాధించగలమని భావిస్తున్నట్లు హీరో హోండా మోటార్స్ లిమిటెడ్ వైస్ ప్రెసిడెంట్ (మార్కెటింగ్ అండ్ సేల్స్) అనీల్ దువా వెల్లడించారు. హోండాతో పోటీ విషయాన్ని అలా ఉంచితే, అంతకన్నా ముందుగా.. ఇప్పటికే అంతర్జాతీయ మార్కెట్లలో రాణిస్తున్న బజాజ్, టీవీఎస్‌ల నుంచి హీరో మోటార్స్ గట్టి పోటీని ఎదుర్కోవాల్సి ఉంటుంది.

Article Published On: Wednesday, July 6, 2011, 15:15 [IST]

English summary

Hero Motors, the Indian two wheeler manufacturer has developed an export strategy according to which it will concentrate on South-East Asia, Africa and Latin America. Hero Motors, which is part of the Munjal Group is for the first time venturing into international markets after its joint venture with Honda ended.

More from DriveSpark