గ్రాండ్ ప్రిలో నరైన్ కార్తికేయన్‌ స్పాన్సర్‌గా హీరో మోటార్స్

ఈ సందర్భంగా హీరో మోటార్స్ మేనేజింగ్ డైరెక్టర్ పంకజ్ ముంజాల్ మాట్లాడుతూ.. ఇండియన్ గ్రాండ్ ప్రిలో పోటీపడుతున్న తొలి ఇండియన్ కార్పోరేట్ హౌస్ తమదేనని, ఇందుకు తాము కట్టుబడి ఉన్నామ ని అన్నారు. ఈ రేసులో నరైన్ కార్తికేయన్ మరియు హిస్పానియా రేసింగ్ టీమ్ (హెచ్ఆర్‌టి)తో కలిసి పనిచేయడం తమకెంతో గర్వంగా ఉందని ఆయన అన్నారు.

ఎంతో మంది ఎఫ్1 ప్రియులు ఆసక్తిగా ఎదురుచూస్తున్న గ్రాండ్ ప్రి ఎఫ్1 రేస్ ఈ ఏడాది అక్టోబర్ 28 నుంచి అక్టోబర్ 30వ తేదీ వరకూ గ్రేటర్ నోయిడాలోని బుధ్ ఇంటర్నేషనల్ సర్క్యూట్‌లో జరగనుంది. ఈ స్పాన్సర్‌షిప్‌లో భాగంగా గ్రాండ్ ప్రిలో పాల్గొనే నరైన్ యొక్క రేసింగ్ కార్లపై హీరో మోటార్స్ తన లోగోను ప్రదర్శించుకునేందుకు అంగీకరించింది. ఫార్ములా వన్ రేస్ ప్రభావంతో ఢిల్లీలో ఎన్నడూలేని విధంగా హోటళ్లన్ని ఇప్పటి నుండే హౌస్‌ఫుల్ బోర్డును పెట్టేస్తున్నాయి.