హోండాకు రూ. 2,450 కోట్లు చెల్లించనున్న హీరో హోండా

Published: Friday, April 29, 2011, 17:57 [IST]

హోండాకు హీరో హీండా కంపెనీ 2,450 కోట్ల రూపాయలను చెల్లించనుంది. దేశీయ అతిపెద్ద ద్విచక్ర వాహన తయారీ సంస్థ హీరో హోండా మోటార్స్ లిమిటెడ్ మాతృ సంస్థ అయిన హీరో గ్రూపుకు జపనీస్ ఆటో దిగ్గజం హోండా కంపెనీలకు మధ్య ఉన్న కొత్త లైసెన్సింగ్ అగ్రిమెంట్ ప్రకారం హీరో గ్రూపు 45 బిలియన్ యెన్‌ (దాదాపు రూ. 2,450 కోట్లు)లను చెల్లించనుంది.

ఈ అగ్రిమెంట్ 2014 వరకూ కొనసాగుతుంది. ఈ మొత్తం ప్రస్తుతం లాయల్టీ పేమెంట్ రేటు ప్రకారం నికర అమ్మకాల్లో దాదాపు 2.8 శాతం నుంచి 2.8 శాతం వరకూ ఉంటుందని హీరో హోండా మోటార్స్ లిమిటెడ్ పేర్కొంది. ప్రస్తుతం ఉన్న ఉత్పత్తులకు భారత గ్రూపు జూన్ 2014 నాటికి లాయల్టీ పేమెంట్‌ను నిలిపివేయనున్నట్లు కంపెనీ తెలిపింది. గత డిసెంబర్ నెలలో హీరో గ్రూపు మరియు హోండా కంపెనీలు తమ 26 ఏళ్ల బంధానికి గుడ్‌బై చెప్పాలని నిర్ణయించుకున్న సంగతి తెలిసిందే.

Article Published On: Friday, April 29, 2011, 17:57 [IST]

English summary

India's largest two wheeler-maker Hero Honda will pay Honda 45 billion yen (about Rs 2,450 crore) till 2014 as part of a new licencing agreement signed between the Hero Group and the Japanese auto major after deciding to part ways on their joint venture.