ఏవియేటర్, సిబిఎఫ్ స్టన్నర్‌లలో కొత్త వేరియంట్లు: హోండా

ఇందులో భాగంగానే, 102 సీసీ ఏవియేటర్ స్కూటర్‌లో రెండు కొత్త వేరియంట్‌లను విడుదల చేసింది. వీటి ధరలు వరుసగా రూ.45,300 మరియు రూ.50,400 (ఎక్స్‌షోరూమ్, ఢిల్లీ)గా ఉన్నాయి. అలాగే, కొత్త 125 సీసీ సిబిఎఫ్ స్టన్నర్ ధర రూ.54,509 (ఎక్స్‌షోరూమ్, ఢిల్లీ)గా కంపెనీ నిర్ణయించింది. ఈ నెలాఖరు నుండి దేశవ్యాప్తంగా ఉన్న అన్ని హోండా మోటార్‌సైకిల్ అండ్ స్కూటర్స్ షోరూమ్‌లో ఈ మూడు కొత్త వేరియంట్లు లభ్యం కానున్నాయని కంపెనీ ఉన్నతాధికారి ఒకరు చెప్పారు.

మారుతున్న జీవన ప్రమాణాలకు అనుగుణంగా, భారతీయ వినియోగదారుల అవసరాలను అందుకునే విధంగా హోండా తన ఉత్పత్తులను విస్తరిస్తుందని, కొత్త ఏవియేటర్ మరియు కొత్త సిబిఎఫ్ స్టన్నర్‌లు తాజా లుక్‌తో వినియోగదారులను ఆకట్టుకుంటాయని హెచ్ఎమ్ఎస్ఐ వైస్‌ ప్రెసిడెంట్‌ (సేల్స్‌ అండ్‌ మార్కెటింగ్‌) ఎన్‌ కె రత్తన్‌ ఓ ప్రకటనలో వెల్లడించారు. కొత్త ఏవియేటర్ సరికొత్త లుక్‌ను కలిగి ఉండటమే కాకుండా పాత వేరియంట్ కన్నా 15 శాతం అధిక మైలేజీని ఇస్తుందని కంపెనీ పేర్కొంది. ఇది బెర్రీ పర్పల్ మరియు సన్‌బీమ్ వైట్ అనే రెండు కొత్త ఆకర్షనీయ రంగుల్లో లభిస్తుంది.