హీరో హోండా నుంచి పూర్తిగా తొలగిపోయిన హోండా

Published: Tuesday, April 5, 2011, 17:12 [IST]

దేశపు అతిపెద్ద ద్విచక్ర వాహన తయారీ సంస్థ హీరో హోండా జాయింట్ వెంచర్ నుంచి జపాన్‌కు చెందిన హోండా మోటార్ కంపెనీ పూర్తిగా తొలగిపోయినట్లు కంపెనీ ఓ ప్రకటనలో పేర్కొంది. ఈ జాయింట్ వెంచర్‌లో హోండాకు ఉన్న 26 శాతం వాటాలను హీరో హోండా సొంతం చేసుకోవడంతో పాటు... హోండా కంపెనీ ప్రతినిధులు కూడా రాజీనామాలు చేయడంతో హీరో హోండా కంపెనీ నుండి హోండా మోటార్ కంపెనీ పూర్తిగా తొలగిపోయినట్లేనని కంపెనీ పేర్కొంది.

హీరో హోండా జాయింట్ వెంచర్‌లో ఉన్న జపనీస్ హోండా మోటార్ కంపెనీ మొత్తం షేర్‌హోల్డింగ్/వోటింగ్ హక్కులను హీరో ఇన్వెస్టిమెంట్స్ ప్రైవేట్ లిమిటెడ్‌ (హెచ్ఐపిఎల్)కు పూర్తిగా బదిలీ చేయబడ్డాయని బాంబే స్టాక్ ఏక్సేంజ్ (బిఎస్ఈ) ఫైలింగ్‌లో హీరో హోండా పేర్కొంది. దీంతో హీరో హోండాపై సర్వాధికారాలు ముంజాల్ కుటుంబం చేతికి వచ్చినట్లయింది. అంతే కాకుండా.. హీరో హోండాలో హెచ్ఐపిఎల్‌ ప్రధాన షేర్‌హోల్డర్‌గా ముంజాల్ ప్రమోట్ చేసిన హీరో హోండాలో తమ వాటాలను (డిసెంబర్ 31, 2010 నాటికి) 17.33 శాతం నుంచి 43.33 శాతానికి పెంచుకుంది.

Article Published On: Tuesday, April 5, 2011, 17:12 [IST]

English summary

The country's largest two-wheeler maker Hero Honda today said its erstwhile Japanese promoter Honda Motor Co has exited the company completely after selling its 26% stake to a group firm of the Indian promoter family.

More from DriveSpark