అధిక మైలేజీనిచ్చే బైక్‌లను ప్రవేశపెట్టనున్న హోండా

త్వరలోనే హోండా ఈ బైక్‌ను దేశీయ మార్కెట్‌కు పరిచయం చేయనుంది. ప్రస్తుతం హోండా అందిస్తున్న అత్యధిక మైలేజీనిచ్చే మోటార్‌సైకిల్ సిబి ట్విస్టర్ 110సీసీ (కంపెనీ ప్రకటించిన దాని ప్రకారం, లీటరు పెట్రోల్‌కు 70 కి.మీ.)కు దిగువన ఓ సరికొత్త బైక్‌ను హోండా మోటార్‌సైకిల్ అండ్ స్కూటర్స్ ఇండియా ప్రవేశపెట్టనుంది.

ప్రపంచ మార్కెట్లలో ద్విచక్ర వాహన విభాగంలో హోండాకు పెద్ద వాటా ఉన్నప్పటికీ, భారత మార్కెట్లో మాత్రం నాల్గవ స్థానంలో ఉంది. ఈ మార్కెట్‌ను తాము సవాల్‌గా తీసుకుంటున్నామని, భారతీయ వినియోగదారుల అవసరాలకు అనుగుణంగా తమ ఉత్పత్తులను అందిచాలనుకుంటున్నామని, రానున్న రోజుల్లో మంచి ఇంధన సామర్థ్యం కలిగిన ఉత్పత్తులను భారతీయ వినియోగదారులకు అందిస్తామని కంపెనీ అధికారి ఒకరు వెల్లడించారు.