రాష్ట్ర మార్కెట్లో హోండా సిబిఆర్ 250ఆర్ విడుదల

ఇది 249సీసీ లిక్విడ్ కూల్డ్ సింగిల్ సిలిండర్ ఇంజన్‌తో లభిస్తుంది. కంబైన్డ్ బ్రేక్ సిస్టమ్‌ మరియు యాంటీ లాక్ బ్రేకింగ్ సిస్టమ్‌ అనే రెండు వేరియంట్లతో మూడు ఆకర్షనీమైన రంగుల్లో ఈ స్పోర్ట్స్ బైక్ అందుబాటులో ఉంటుంది. ట్యూబ్‌లెస్ టైర్స్, శీతల వాతావరణంలోనూ త్వరగా స్టార్ట్ అయ్యేలా ఇందులో పొందుపరచిన పీజీఎమ్-ఎఫ్‌ఐ టెక్నాలజీ మరియు ఏబిఎస్ టెక్నాలజీ అత్యవసర పరిస్థితుల్లో బ్రేక్ వేసినప్పటికీ వాహనం జారిపోకుండా ఉండటం దీని అనదపు ప్రత్యేకత.

ఏబిఎస్ వేరియంట్ ఆన్‌రోడ్ ధర రూ.1.90 లక్షలు, నాన్ ఏబీఎస్ రూ.1.62 లక్షలుగా ఉంది. ఈ బైక్‌కు ఇప్పటికే దక్షిణ భారతదేశం నుంచి 2000 యూనిట్ల కోసం ఆర్డర్లు రాగా.. ఒక్క మన రాష్ట్రం నుంచే 600 యూనిట్ల కోసం ఆర్డర్లు సిద్ధంగా ఉన్నట్లు కంపెనీ తెలిపింది. హోండా సిబిఆర్ 250ఆర్ బుక్ చేసుకున్న తర్వాత డెలవరీకు నాలుగు నెలల సమయం పడుతుందని కంపెనీ పేర్కొంది.